Ro 8 Popüler Kutsal Kitap Ayetleri

Paylaş

B'i'nqe' qu'n qa ntb'incha'n Dyosju' b'a'n kye kkyaqilju' xjal nche k'u'jlante, aj oje e'txokli tu'n Dyos se'nxju' tb'is tk'u'j.

Qu'mtzun q'uqlixi'x nk'u'je' qa mixti'x jun ti'xti' k'elil pa'nqe' ti'ju' tk'u'jlalil Dyos: Lay b'ent tu'n kamik, tu'nju' chwinqlal, kyu'nju' anjl, kyu'nju' tajaw taq'wixilju' ati kyipumal ex min q'ancha'lqe', ex lay b'ent kyu'nju' ate' ja'lo, exqe'ju' che ul yajxi'tl, ex lay b'ent kyu'nju' ti'xti' tqe' tzmax jawni, ex tzmax kub'nix ex lay b'ent tu'n jun ti'xti' tb'inchb'aj Dyos. ¡Mix-a'lox jun ti'xti' k'elil pa'nqe' ti'j tk'u'jlalil matxi' tzaj tyek'u'n Dyos qe naqx tu'nel Qajaw Jesukrist!

Ex ikxte Xewb'aj Xjan inqo' toni'n qa xi'toq qkub'numj. Qu'n mixti' b'i'n qu'n se'n tu'n qna'na' Dyos, atzunte' Xewb'aj Xjan inkub'san qi'j twitz Dyos ex ntjyo'n tu'me'l se'n tu'n tyolina' qi'j.

¿Titi'tzuntl qma' ti'j tkyaqil ja'lu? ¡Qa ati Dyos quk'i'l, alxi'xkye kb'entil tkub' qi'j tu'n!

Qu'mtzun ja'lo mixti'tl tz'e'ysb'il witzb'aj kyeju' mujli kten tuk'i'l Jesukrist.

Aju' qa o'kxtzu' nqo' ximana' ti'ju' tajb'il qchib'jil in qo'x tiq'i'n toj kamik; atzunju' qa o'kx nqo' ximana' ti'ju' te Xewb'aj Xjan ntzaj tq'o'n qchwinqlal ex nak'b'il qe.

Ex maskye ikju' naq tu'nel Qajaw Jesukrist nqo kanb'ana' toj tkyaqil.

Awe' nkub' nxima'n qa aju' yajb'il nik'x qu'n ja'lo, mixti'x tz'oka' teju' ninb'il tzultq'o'n Dyos qe.

¿Alxixkye k'elil pa'nqe ti'ju' tk'u'jlalil Jesukrist? ¿Ma aloju' yab'il, aju' yajte'n, aju' b'is, aju' we'yaj, aju' qa mixti' kxb'alun, aju' xob'ajil mujqa aju' xob'ajil tu'n tpaj qa xqo kub' b'yo'n?

Ate Dyos nb'aj ka'yinte toj qanmi, ojtzqi'n tu'n titi' ntma'nju' Xewb'aj Xjan, qu'n ina' kub'sanju' Xewb'aj twitz kyi'ju' ttanam se'nxju' tajb'il Dyos.

Qu'n kkyaqilju' ẍaqlu'nqe' tu'n Dyos, tk'wal Dyos qe'.

Qu'n aye' xjal nche anq'in se'nxju' tajb'il kychib'jil, o'kxtzu' nche ximana' ti'j; aye'tzunju' nche anq'in se'nxju' tajb'il Xewb'aj Xjan, o'kxtzu' nche ximana' ti'ju' te Xewb'aj Xjan.

Qu'n ate Dyos minti' kub' t-xk'a'yinju' tk'wal, matzaj tq'o'n tu'n tkyim te chojb'il kyil kkyaqil xjal, ¿Se'n taq'witzun qa lay tzaj tq'o'n tkyaqilju' ti'xti' qe junx tuk'ilju' tk'wal?

Ex axju' Xewb'aj Xjan lu in tmujb'a'n tib' tuk'ilju' qanmi tu'n tmante qa tk'wal Dyosqo'. Tu'ntzunju' qa tk'wal Dyosqo', ati qoklen ti'ju' etzb'il aj oje tzaj ttziya'n Qman Dyos qe, aj kb'el qaq'pu'n tuk'i'l Qajaw Jesukrist qama tzik'x yajb'il qu'n junx tuk'i'l, ex qo' jawil nimantzuntz junx tuk'i'l.

Aye'ju' nche xima'n ti'ju' tajb'il kychib'jil nche ok te ajq'oj ti'j Dyos, qu'n mya kyajb'il tu'n tjapunju' kawb'il kyu'n.

Kkyaqilju' xjal te twitz tx'otx' inxi'x che ayon teju' kmuj tu'n kka'yinte alkyeqeju' tk'wal Dyos.

Qu'n b'i'n qu'n qa toju' tq'ijlalil ja'lo aju' tch'isb'en Dyos inxi'x ẍch'in ex nyajt nakuj jun qya xi'toq titz'ji tal.