Jn 15 Popüler Kutsal Kitap Ayetleri

Paylaş

Ayinwe' tqan lob'j ub'a, aye'tzunkye' tq'ob'. Atzunju' ati wuk'i'le' ex atinqine' tuk'i'l, ktq'a' txqan twitz; qu'n qama tz'el kypa'n kyib'e' wi'je' mixti'x kb'entil kyu'ne'.

Lalun tz'el kypa'n kyib'e' wi'je', ex lay tz'el npa'nwe'wib' kyi'je'. Iku' se'n jun tq'ob' ub'a lay witzan qa pa'ntib' ti'ju' tqan; ikxtzunkyeju'ye' lay che witzane' kyu'nx kyib'e' qa pa'n kyib'e' wi'je'.

Qama che tene' kukx wuk'i'le', exqa ma japunju' nyole' kyu'ne', kqaninxe' tkyaqilju' kyajb'ile' ex ktzajel q'o'n kyeye'.

Mya'yekye' ẍe jaw sk'onweye', ayinwe' ẍin jaw sk'on kyeye' ex oje txi' wab'tzi'ne' kyeye' tu'n kxi'ye' ex tu'n kyoke' se'n jun tq'ob' tze ntq'o'n txqan twitz. Tu'ntzun ttzaj tq'o'n Nmane' kyeye' tkyaqilju' kxe'l kqani'ne' te toj nb'iye'.

Aju' tk'u'jlalil nimxi'x tu'n tten te jun xjal, aju' qama taq'tib' tu'n tkyim naq tu'n kkletju' tamiw.

Qa minti' ntq'o'n twitzju' jun nq'ob'e', nel ttx'e'mi'n nmane', qatzun nwitzan, exqa ati ch'i'n tzqij ti'j neltiq'i'n tu'ntzun tq'onte txqantl twitz.

Awe' nchaq'b'il ja'lu: Kk'u'jlam kyib'e' jun te juntl iku' se'nwe' mache nk'u'jlaye'.

Qatzun mache witzane' b'a'nxi'x exqa makyek'uye' qa nxnaq'tzb'en qe'xixe', atzuntzu' kjawila' nimsa'n tb'i Nmane'.

Ayinwe' axxi'x tqan lob'j ub'a, ex ate nmane' naq'unan ex nxq'uqin ti'j.

Alkye mixti' mujb'a'ntib' kukxju' wuk'i'le', k'elix xon ex kb'el tzqij se'nju' tq'ob' tze njaw sk'o'n ex nkub' tz'e'ysa'n.

Matxi' nma'n ja'lu kyeye' tu'ntzun ktzalaje' junx wuk'i'le' ex tu'n ktzalaje' b'a'nxi'x.

Qama japunju' nchaq'b'ile' kyu'ne', kukx ttentzun nk'u'jlaljuye' kyi'je', ikx se'nwe' mache japun tchaq'b'il Nmane' wu'ne', qu'mtzun kukx tten tk'u'jlajilju' wi'je'.

Atzun chaq'b'il ja'lu kxe'l nma'ne' kyeye': tu'n kyk'u'jlante kyib'e' jun te juntl.

Naqwit te twitz tx'otx'qeye', inwtlo che k'u'jlanjtze' kyu'n kse'n nkyk'u'jla'n kyib' kyxolilex twitz tx'otx'. Ayinwe' ẍin jaw sk'on kyeye' kyxolju' xjal te twitz tx'otx', qu'mtzun ntx'a'la' ti'j kyk'u'j xjal kyi'je', qu'n mya'na' te twitz tx'otx'qetle'.