Ex 34 Popüler Kutsal Kitap Ayetleri

Paylaş

Li Qaawa' kinume'k chiru, yo chi xyeeb'al: “Laa'in li Qaawa', li Qaawa', Yos aj uxtaan ut tuulan, li nab'ayk chi josq'o'k ut makach'in li xrahom ut li xtiikilal xch'ool! Xaqxo linrahom chiru k'iila o'q'ob' chihab' ut ninkuy li maa'usilal, li q'etq'etil ut li maak; ab'an ink'a' ninkanab'eb' laj maak chi maak'a' ta xtojb'aleb' rix li xb'aanuhom, ut ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i”.

“Maahupub' aawib' chiru jalan chik yos xb'aan naq «aj sowen» naxk'ab'a'in li Qaawa': a'an jun Yos aj sowen.

Kichaq'ok li Qaawa' ut kixye: “K'e reetal, ok we chi xk'ojob'ankil jun Sumwank eerik'in. Tinb'aanu xninqal sachb'ach'oolej chiru chixjunil li tenamit: maajun sut ki'uxk a'in sa' chixjunil li ruuchich'och' chi moko sa' junaq tenamit. Chixjunileb' li poyanam li wankat wi' te'ril xnimal xb'aanuhom li Qaawa', xb'aan naq q'axal xiwajel li k'aru tqab'aanu wochb'eenat.