1 كُرُنْتُس 1 Popüler Kutsal Kitap Ayetleri

Paylaş

لَاكِنْ النَّاسْ الْجُهَّالْ حَسَبْ نَاسْ الدُّنْيَا، هُمَّنْ دَوْل بَسْ اللّٰهْ عَزَلَاهُمْ أَشَانْ يِجِيبْ الْعَيْب فِي الْحُكُمَاءْ. وَ النَّاسْ الْمَا عِنْدُهُمْ قُدْرَةْ حَسَبْ نَاسْ الدُّنْيَا، هُمَّنْ دَوْل اللّٰهْ عَزَلَاهُمْ أَشَانْ يِجِيبْ الْعَيْب فِي الْقَادْرِينْ.

صَحِيحْ، النَّاسْ الْمُوَدِّرِينْ يُقُولُوا كَدَرْ كَلَامْنَا فِي الصَّلِيبْ كَلامْ بَاطِلْ. لَاكِنْ لَيْنَا أَنِحْنَ الْاللّٰهْ قَاعِدْ يِنَجِّينَا، كَلَامْ هَنَا الصَّلِيبْ عِنْدَهْ قُدْرَةْ اللّٰهْ.

وَ النَّاسْ يُقُولُوا حِكْمَةْ اللّٰهْ بَاطْلَةْ. لَاكِنْ حِكْمَةْ اللّٰهْ زِيَادَةْ مَرَّةْ وَاحِدْ مِنْ حِكْمِتْهُمْ. وَ يُقُولُوا قُدْرَةْ اللّٰهْ هِي ضَعِيفَةْ، لَاكِنْ قُدْرَةْ اللّٰهْ زِيَادَةْ مِنْ قُدْرَةْ النَّاسْ.

اللّٰهْ هُو صَادِقْ فِي وَعَدَهْ. وَ هُو بَسْ النَّادَاكُو أَشَانْ تَدْخُلُوا فِي الْعَلَاقَةْ الْعِنْدُكُو مَعَ إِبْنَهْ عِيسَى الْمَسِيحْ رَبِّنَا.

يَا أَخْوَانِي، أَنَا نِوَصِّيكُو بِأُسُمْ رَبِّنَا عِيسَى الْمَسِيحْ أَشَانْ كَلَامْكُو يَبْقَى وَاحِدْ لَحَدِّي مَا تِنْقَسْمُوا. وَ خَلِّي قَلِبْكُو يَبْقَى وَاحِدْ وَ فِكِرْكُو يَبْقَى وَاحِدْ.

وَ هَسَّعْ دَا، وَيْن الْحَكِيمْ؟ وَيْن الْعَالِمْ؟ وَيْن الْمُتَكَلِّمْ الْيِرِيدُوهْ نَاسْ الدُّنْيَا؟ خَلَاصْ، اللّٰهْ وَصَّفْ كَدَرْ حِكْمَةْ نَاسْ الدُّنْيَا بَاطْلَةْ.