Makətūbə̄ ń Pol ndang adə̄ Rom gə̄ ní 5 Popüler Kutsal Kitap Ayetleri

Paylaş

Ba á̰a̰ī yá̰á̰ ń Nə́ɓā rāā ɔjəńjí táŕ ń ni-táŕjí ní: I dan ń jḭḭ i ngé rāā majaĺ gə̄ ɓáý ní n Kərist oy tām̄ yājí tə́ ní.

Ba deē ń əndā kemən dɔ Nə́ɓā tə́ ní, a ənge rɔ̄sɔl̄ loon tə́ alé, tɔdɔ̄ Nə́ɓā əla tár yān kemjí tə́ i kə ta kūl̄ *Ndíĺ kə́ Táĺ ń adə̄jí ní.

Ba j-ɔjiī rɔ̄jí i tām̄ kɔsə gɔn ń toō tə́ ngóy alé, tɔdɔ̄ jə-gerī kadə̄ wur kɔl yājí rāā adə̄ j-əhɔī rɔ̄jí tɔ́gə ō, adə̄ kəhɔ rɔ̄ tɔgə yājí rāā adə̄ Nə́ɓā ndigə taā kem yājí ō. Ndigə ń ndigə taā kem yājí ní rāā kadə̄ j-əndāī kemjí dɔn tə́ ō.

Jə-téliī de kə́ súmūú gə̄ ta kum Nə́ɓā tə́ kə gō taā kem yājí kɔ̄ɔ́ ɓá, adə̄ ngɔlaā ní dɔ dáńjí kə Nə́ɓāá i lápə́ya kə ta kūl̄ Kɔ́ɔ̄ɓē yājí Jeju *Kərist. I kə kūl̄neé n j-əngeīń ta róbə kadə̄ Nə́ɓā rajəńjí dan ń jə-taāīń kem ní. Rajə yān i naā tə́ sejí, yá̰á̰ ń j-ɔjə rɔ̄jí tāmən tə́ ní i *kɔsə gɔn yā Nə́ɓā ń j-əndāī kemjí dɔ tə́ ní.

I dan ń tɔ́gə́jí gətóoń ɓáý ní n *Kərist oyń tām̄ yā ngé rāā majaĺ gə̄ tə́, ndɔ̄ ń Nə́ɓā ɔjəń tə́ ní.

Jə-téliī de kə́ súmūú gə̄ ta kum Nə́ɓā tə́ ngɔlaā i kə ta kūl̄ kadə̄ rɔ̄ yānneé. Adə̄ wōn̄g yā Nə́ɓā ń a reē ɓáý ní, ni-ajəjí kɔ̄ɔ́ ta tə́.

Tɔdɔ̄, tītə̄ ń de kə́ kal kógə̄ḿ beē mbātə́ najə̄ ta Nə́ɓā tə́, adə̄ de kə́ ngá̰ý gə̄ malang télən̄ń gíŕ ngé rāā majaĺ gə̄ ní, tītə̄ nəkɔ́ ń toō ɓáý to̰, de kə́ kal kógə̄ḿ beē a oō najə̄ ta Nə́ɓā tə́ yā kadə̄ de kə́ ngá̰ý gə̄ télnə̄ń de kə́ súmūú gə̄ ō.

Ba yá̰á̰ kógə̄ḿ to noó ɓáý to̰: Kɔjə ń j-ɔjiī rɔ̄jí tām̄ yā Nə́ɓā tə́ ní, i kə ta kūl̄ *Kərist ń əndājí naā tə́ kə Nə́ɓāá ngɔlaā kɔ̄ɔ́ ɓá toō.