Makətūbə̄ ń Pol ndang adə̄ Rom gə̄ ní 2 Popüler Kutsal Kitap Ayetleri

Paylaş

Ní ḭ̄ ń ā ī-gān̄g sarya dɔ de gə̄ ngeé ń noō tə́ ō, ā ī-rāā yá̰a̰ tītə̄ yādə́ ō ní, ī-gír̄ kadə̄ ā ī-teē kum sarya yā Nə́ɓā tə́ karī a? Aké ī-kídə̄ i Nə́ɓā ń a rāā kem majə ngá̰ý ō, a tə́gā tan dɔ yá̰a̰ gə̄ tə́ ō, a əre wurən njam dɔ tə́ ō ní ḿ? Ī-ger̄ kadə̄ kem majə ń Nə́ɓā a rāā ní i kadə̄ ī-tūrəń hálí aĺ a?

Ḭ̄ ń ī-gān̄g sarya ní, ká ḭ̄ i náā gə̄gē a, najə̄ i dɔí tə́. Tɔdɔ̄ ḭ̄ nge gān̄g sarya, dan ń ī-gān̄g sarya dɔ madí tə́ ō, īkɔ́ i rāā yá̰á̰ ń ni-rāā ō ní, īkɔ́ ə́hɔ rɔ̄í kə sarya.

tɔdɔ̄ Nə́ɓā a rāā yá̰a̰ i loo ger̄ ta kum deē tə́ alé.

Tɔdɔ̄ de gə̄ ń i de kə́ súmūú gə̄ ta kum Nə́ɓā tə́ ní, i ngé gə̄ ń a oōn̄ *ndū najə̄ ń toō kə mbīdə́ ngóy ní alé. De gə̄ ń a télən̄ de kə́ súmūú gə̄ ní, i ngé gə̄ ń a rāān̄ yá̰á̰ ń ndū najə̄ ɔjə ní.

Sarya kə́ gō tə́ yā Nə́ɓā ní i kadə̄ náā nəkɔ́ ɓáa, kɔ́ɔ̄ a ənge yá̰a̰ i kə gō kəla rāānneé.

Ba ngé gə̄ ń i ngé mbātə́ najə̄ gə̄ á mbātə́n̄ najə̄ kə́ rɔ̄kum ba rāān̄ i yá̰á̰ kə́ súmūú aĺ gə̄ ní, wōn̄g yān ō, wur katə̄ yān ō, a reēn̄ dɔdə́ tə́.

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.