Makətūbə̄ ń Pol ndang adə̄ Pilipə gə̄ ní 4 Popüler Kutsal Kitap Ayetleri

Paylaş

Ī-sōlī yá̰á̰ kógə̄ḿ alé. Ba tū yá̰a̰ gə̄ tə́ malang ɓáa, yá̰á̰ ń ndoōn rāāsí ní, ī-dəjeī Nə́ɓā kə ndɔ̄yɔ̄ɔ́ ō, ī-rāāniī ɓɔ́ ō, ī-ndadə̄ ādə̄niī ō.

Anī kem sɔl̄ lɔm yā Nə́ɓā ń tɔȳ yá̰a̰ malang ń deē asə ger̄ ní, a ngɔ̄m̄ ngarān̄g kemsí ō, gír̄ yāsí ō, loo ɓoo naā yāsí tə́ kə Jeju *Kərist.

Tām̄ yā gotə najə̄ gə̄ malang tə́ ɓáa ngákó̰ó̰ḿ gə̄, yá̰a̰ malang ń i yá̰á̰ kə́ majə ō, i yá̰á̰ kə́ to kadə̄ deē tɔ̄ȳsí loon tə́ ō, i yá̰á̰ kə́ rɔ̄kum ō, i yá̰á̰ kə́ to kadə̄ deē ɓōĺ gidə ō, i yá̰á̰ kə́ gō tə́ ō, i yá̰á̰ kə́ *unjə̄ njáý njáý ō, i yá̰á̰ kə́ nel̄ deē ō, i yá̰á̰ kə́ to rɔȳ ō ní, ādī gír̄ yāsí malang i dɔ tə́.

Yá̰a̰ gə̄ ń noō malang ní, m-ásə kundə́ dɔḿ tə́ kɔ̄ɔ́, kə ta kūl̄ *Kərist nge kadə̄m̄ tɔ́gə.

Ī-rāāī rɔ̄nel̄ kə ndɔ̄ gə̄ najə̄ ɓoo kə́ ī-ɓooī naā kə Kɔ́ɔ̄ɓēé tə́. m̄-tél m-ə́dásí to̰: Ī-rāāī rɔ̄nel̄!

Ba Nə́ɓā yāḿ a adə̄sí yá̰a̰ malang ń ndoōn rāāsí ní, kə gō yá̰a̰ kal̄ loo yānneé ō, a adə̄sí i kadə̄ kə́ majə ngá̰ý kə ta kūl̄ Jeju *Kərist ō.

Ī-rāāī yá̰á̰ ń m̄-ndóōsí ní ō, yá̰á̰ ń m-ɔ́jə́sí kadə̄ ī-rāāī ní ō, yá̰á̰ ń teē taḿ tə́ á ōōī ní ō, yá̰á̰ ń á̰a̰mī loo rāā tə́ ní ō. Loo ń noō tə́ Nə́ɓā kə́ nge kadə̄jí kem sɔl̄ lɔm a ndi sesí.

Ī-rāāī ādī de gə̄ malang gerə̄n̄ háĺ kem majə yāsí. Dɔ reē Kɔ́ɔ̄ɓē i ngɔr.

m̄-ger̄ ndi dan ndoō tə́ ō, m̄-ger̄ ndi dan yá̰a̰ kal̄ loo tə́ ō. Dan yá̰a̰ gə̄ tə́ malang ō, kə ta róbə́ kə́ tayā tayā gə̄ malang ō ní, m̄-ndóō loo ndi kə ndānāá ō, loo ndi kə ɓōó ō. m̄-ndóō ndi dan yá̰a̰ kal̄ loo tə́ ō, dan ndoō tə́ ō.

I tām̄ ndoō kə́ rāām̄ tə́ n m-ɔ̄rəń najə̄ tītə̄ ń noō ní alé. Tɔdɔ̄ tū yá̰a̰ gə̄ tə́ malang ní m̄-ndóō loo kadə̄ nelə̄m̄ kə yá̰á̰ ń m-ə́ngé ní.