Makətūbə̄ yā Mise 4 Popüler Kutsal Kitap Ayetleri

Paylaş

Gotə́ gír de kə́ rang gə̄ malang ní, de gə̄ kógə̄ḿ kógə̄ḿ kə́ dandə́ tə́ a oōn̄ i ta nə́ɓā yādə́ gə̄. Banī jḭḭ j-oō i ta Kɔ́ɔ̄ɓē Nə́ɓā yājí kə́ njɔ́ḿ gə̄ tə́.

Nápar de kə́ ngá̰ý gə̄ kə́ dɔ nang kə́ rang tə́ a əsōn̄ róbó yā reē. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń a sāā rɔ̄jí tə́ ní ō, j-a j-uniī róbə́ ń ni ɔjəjí ní ō. Tɔdɔ̄ yá̰á̰ ndóō yā Kɔ́ɔ̄ɓē teē i *Siyo̰. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń *kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.

Ni a gān̄g sarya kə́ dɔ dáń gír de kə́ ngá̰ý gə̄ tə́, ni a tél i nge ra mbənā tə́ tām̄ yā nápar de gə̄ kə́ tɔ́gə́də́ i ngá̰ý tə́ ō, ndin̄ i sa̰y tə́ ō. Nin̄ a ɔyn̄ kaskar yādə́ gə̄ yā rāań kɔsə man̄g gə̄ ō, a ɔyn̄ nənga yādə́ gə̄ yā rāań ngorong gə̄ ō. Ɓē kógə̄ḿ a ənī ɓē kə́ rang rɔ̄ɔ̄ aĺ ō, de gə̄ a ndóōn̄ naā rɔ̄ɔ̄ to̰ aĺ ō.