Najə̄ kə́ Majə yā Jeju ń Matiye ndang ní 5 Popüler Kutsal Kitap Ayetleri

Paylaş

Deē a əndā hor tū lámbá tə́ i yā sébə kār̄ dɔ tə́ alé, ba i yā naā tū kāgə̄ hor tə́ kadə̄ de gə̄ malang ń ndin̄ kem kújú ní a̰a̰n̄neé loo. Ādī loo kə́ unjə̄ kow yāsí unjə̄ ta kum de gə̄ tə́ tītə̄ ń toō ō, kadə̄ ré nin̄-a̰a̰n̄ kəla rāāsí kə́ majə gə̄ anī, ɔsən̄ gɔn Bɔbə̄sí ń ndi dɔ rā̰ tə́ ní.

Sḭḭ̄ i loo kə́ unjə̄ kow tām̄ yā de kə́ dɔ nang tə́ gə̄ tə́. Ɓē ń ndi dɔ mbalá ní loo ɓɔ̄ɔ̄n gətóo.

Rɔ̄nel̄ i kə ngé gə̄ ń kemdə́ *unjə̄ njáý njáý ní, tɔdɔ̄ a a̰a̰n̄ Nə́ɓā.

Rɔ̄nel̄ i kə ngé gə̄ ń ɓō yá̰á̰ kə́ gōtə́ rāādə́ ō, kəndā yá̰á̰ kə́ gōtə́ rāādə́ ō ní, tɔdɔ̄ Nə́ɓā a rāā kadə̄ a ndānə̄n̄.

Ba mā m-ə́dásí na: Ī-táriī madə̄ ba̰ā̰sí gə̄ ō, ī-ndɔ̄yī tām̄ yā ngé gə̄ ń rāān̄sí ndoō tə́ ní ō

Rɔ̄nel̄ i kə ngé gə̄ ń kemdə́ i kem de kə́ nge ndoō ní, tɔdɔ̄ *Ɓē ko̰o̰ kə́ dɔ rā̰ tə́ i yādə́.

Rɔ̄nel̄ i kə ngé gə̄ ń əndān̄ madə̄də́ gə̄ naā tə́ ní, tɔdɔ̄ Nə́ɓā a ɓāŕdə́ na i ngánən gə̄.

Rɔ̄nel̄ i kə ngé gə̄ ń dɔdə́ sɔl̄ ní, tɔdɔ̄ Nə́ɓā a adə̄də́ dɔ nang.

Rɔ̄nel̄ i kə ngé gə̄ ń a rāān̄də́ ndoō tə́ tām̄ yá̰á̰ kə́ gōtə́ tə́ ní, tɔdɔ̄ *Ɓē ko̰o̰ kə́ dɔ rā̰ tə́ i yādə́.

Rɔ̄nel̄ i kə ngé gə̄ ń rāān̄ kem majə kə de gēé ní, tɔdɔ̄ Nə́ɓā a rāā kem majə sedə́.

Sḭḭ̄ i kə rɔ̄nelēé dan ń de gə̄ a tájə̄n̄sí ō, a rāān̄sí ndoō tə́ ō, a tétə̄n̄ najə̄ kə́ majaĺ gə̄ malang dɔsí tə́ ō, tām̄ yāḿ mā tə́ ní. Ī-rāāī rɔ̄nel̄ ō, ḭ́ḭḭ̄ bal walya ō, tɔdɔ̄ yá̰a̰ kəndā nja yāsí kə́ dɔ rā̰ tə́ ní i yá̰á̰ kə́ sḛ́ý beē tə́ aĺ bátə́, tɔdɔ̄ rāān̄ kum *ngé koō ta gə̄ ń nin̄ i kété nosí tə́ ní ndoō tə́ i tītə̄ ń noō ō.

Rɔ̄nel̄ i kə ngé gə̄ ń nōōn̄ ní, tɔdɔ̄ Nə́ɓā a sɔl̄ kemdə́.

Sḭḭ̄ i katə̄ kə́ dɔ nang tə́ gə̄. Ba ré nel̄ katə̄ teē kɔ̄ɔ́ ní, deē a ɓōkə́ i rí gotoó n katə̄ a téləń yā nel̄ gogə́ ní? Yá̰á̰ kə́ yā rāāń to̰ gətóo. Katə̄ ń nelə̄n teē kɔ̄ɔ́ ní a ɓōkə́n̄ i ndágá ō, de gə̄ a njə̄rān̄ dɔ tə́ ō.

I beé ní majə kadə̄ sḭḭ̄ i de kə́ ī-majə ɔ̄tī kə taá gə̄, tītə̄ ń Bɔbə̄sí kə́ dɔ rā̰ tə́ i de kə́ majə ɔtə̄ kə taá ní.

Ādī ré najə̄ kɔrsí i a̰á̰ā̰ ɓáa i a̰á̰ā̰ ō, ré i a̰ á̰ ɓáa, i a̰ á̰ ō. Najə̄ kə́ rang gə̄ malang ń utə̄n̄ gō ní, teēn̄ i rɔ̄ ndíĺ kə́ nge ngól̄ loo gə̄ tə́.

Ōōī kadə̄ ədan̄ na: Deē ń tɔ̄ɔ̄ kum madə̄n a kə tɔ̄ɔ̄n̄ kumən ō, deē ń ɔr̄ ngān̄g madə̄n a, kə ɔrə̄n̄ ngāngə̄n ō. Ba mā m-ə́dásí na: Ī-lōōī dum̄ ta nge kem ndul. Ré deē ənda mbɔ́rí kə́ ko̰ó̰ anī, ī-tūr̄ kə́ geleé ādə̄n to̰.

Adə̄ ré kumií kə́ ko̰ó̰ a rāāī kadə̄ ə̄sō anī, ɔ̄r̄ ə̄nīn sa̰y kɔ̄ɔ́ rɔ̄í tə́. Tām̄ i só tə́ kadə̄ ī-tḭ̄ḭ̄ ta ngōn̄ rɔ̄í kógə̄ḿ kə́ dan madə̄ gə̄ tə́ tɔȳ kadə̄ ənīnī kə taá kum hor *Gehen tə́. Ba ré jī ko̰í a rāāī kadə̄ ə̄sō anī, ī-gān̄g ə̄nīn sa̰y kɔ̄ɔ́ rɔ̄í tə́. Tɔdɔ̄ i só tə́ kadə̄ ī-tḭ̄ḭ̄ ta ngōn̄ rɔ̄í kógə̄ḿ kə́ dan madə̄ gə̄ tə́, tɔȳ kadə̄ rɔ̄í malang kə taá aw̄ kum hor *Gehen tə́.