Najə̄ kə́ Majə yā Jeju ń Luk ndang ní 14 Popüler Kutsal Kitap Ayetleri

Paylaş

Deē ń reē gōḿ tə́ kanjə̄ kəndām̄ mā kó tár yān tə́ kété no bɔbə̄n tə́ ō, kó̰o̰n tə́ ō, nə̄yá̰n tə́ ō, ngánən gə̄ tə́ ō, ngákó̰o̰n kə́ dəngam gə̄ tə́ ō kə́ dəyá̰ gə̄ tə́ ō, aláa kanjə̄ kəndām̄ mā kó tár yān tə́ kété no ngarān̄g kum rɔ̄n nəkɔ́ tə́ ō ní, ni-asə tél nge ndóō yá̰a̰ yāḿ alé.

Deē ń ətō kāgə̄ kə́ dēsə́ yān aĺ ō, njə̄rā gōḿ tə́ aĺ ō ní, ni-asə tél nge ndóō yá̰a̰ yāḿ alé.

Tɔdɔ̄ deē ń ɔsə rɔ̄n kə̄ dɔɔ́ anī, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

Tītə̄ ń noō ō ní, náā nəkɔ́ dansí tə́ laā n, kɔ́ɔ̄ əya̰ gō yá̰a̰ kənge yān gə̄ malang kɔ̄ɔ́ aĺ ní anī, ni a asə tél nge ndóō yá̰a̰ yāḿ alé.

Tɔdɔ̄ ré deē kógə̄ḿ gḛy rāā kújə kə́ ngāl̄ ɓururu kum kə̄ dɔɔ́ anī, a əla gír a ndi i nang tə́ yā tə́da kutə yá̰a̰ gə̄ ń a rāań ní yā ka̰a̰ kété pá tá ké n-ənge yá̰a̰ asə jīn yā rāań kadə̄ oy wa. I náā dansí tə́ n a rāā tītə̄ ń noō aĺ ní? Tɔdɔ̄ ré ni-əndā gíŕ kújə kə́ ngāl̄ ɓururu kum kə̄ dɔɔ́ kɔ̄ɔ́, tá asə tɔ̄l̄ ta aĺ anī, de gə̄ malang ń a̰a̰n̄ ní a télən̄ yā kəgōn, a ədan̄ na: Á̰a̰ī, dəngam ń toō əla gír rāā kújə, ba rāā dumə̄n kɔ̄ɔ́ wa.

Banī, dan ń ī-rāā yá̰a̰ kəsa yā ɓārəń de gə̄ ní anī, ī-mēr̄ de kə́ ngé ndoō gə̄ ō, de kə́ nujə gə̄ ō, ngé tə́sō motə gə̄ ō, de kə́ kum tɔ̄ɔ̄ gə̄ ō. Loo ń noō tə́ rɔ̄í a nelī, tām̄ nin̄ a asən̄ kadī kum gotə alé. Tɔdɔ̄ a télən̄ kə yá̰a̰ gə̄ ń toō yā kadī gogə́ ndɔ̄ ń de kə́ súmūú gə̄ a ndólə̄n̄neé tə́ ní.

Katə̄ i yá̰á̰ kə́ majə, ba ré nelə̄n teē kɔ̄ɔ́ ní, i rí n a ɓōkə́n̄ gotoó yā kadə̄ a tél a nelə̄ń gogə́ ní? Ni majə tām̄ yā dɔ nang tə́ to̰ aĺ ō, majə kəlan tū yedə̄ yá̰á̰ tə́ yā ndɔrə̄ń to̰ aĺ ō. A ɓōkə́nən̄ i ndágá kɔ̄ɔ́ ngóy. Náā nəkɔ́ ń i kə mbīneé yā koōń najə̄ anī, adə̄ kɔ́ɔ̄ oō.