Makətūbə̄ ń Pol ndang adə̄ Epejə gə̄ ní 6 Popüler Kutsal Kitap Ayetleri

Paylaş

Tɔdɔ̄ ngé gə̄ ń j-a jə-rɔ̄ɔ̄īdə́ ní, i deē ndul gə̄ ń nin̄ i kə dā̰ rɔ̄də́ ō, mósə́də́ ō ní alé, banī i ngé ko̰o̰ ɓē gə̄ ō, kɔ́ɔ̄ yá̰a̰ gə̄ ō, ngār kə́ tilií gə̄ ō, ndíĺ kə́ majaĺ gə̄ ō ń ndin̄ dɔɔ́ dɔ rā̰ tə́ ní.

Ī-ndɔ̄yī kə kum mbang gə̄ malang kə ta kūl̄ Ndíl. Əhɔī rɔ̄sí tɔgə loo ndi já̰já̰ tə́ ō, ī-rāāī Nə́ɓā ɓɔ́ tām̄ yā deē yān gə̄ tə́ malang ō.

Ə́laī yá̰a̰ rɔ̄ɔ̄ malang yā Nə́ɓā rɔ̄sí tə́, kadə̄ ásiīń ra ngan̄g ta yá̰á̰ ń *diabəl a rāā tə́ ní.

Tām̄ najə̄ ń noō tə́ ní, ə́laī yá̰a̰ rɔ̄ɔ̄ yā Nə́ɓā rɔ̄sí tə́, yā kadə̄ ndɔ̄ kə́ majaĺ tə́ anī ī-raīń ngan̄g ō, ī-raī dɔɔ́ ō, dan ń ī-tetiī rɔ̄ɔ̄ gə̄ malang ní.

Úniī dér ń i taā kem yāsí ní, ī-ndiīneé tū yá̰a̰ gə̄ tə́ malang. Ā ī-tɔ̄lī hor gərā gə̄ ń ndíĺ kə́ nge ngól̄ loo gə̄ a túrəńsí ní i kə ta kūl̄neé. Yā tɔ̄ləń ta anī, ə́laī jākā ń i kajə ń ajiī kɔ̄ɔ́ ní dɔsí tə́ ō, úniī kəyā kaskar ń i najə̄ yā Nə́ɓā ń Ndíĺ adə̄sí ní jīsí tə́ ō.

I beé ní, ī-ndiī dɔ rɔ̄sí tə́. Kadə̄ ndāŕ do̰ō̰ ɓōdə̄sí i najə̄ kə́ rɔ̄kum ō, kūbə̄ gində̄ yāsí i yá̰á̰ kə́ gōtə́ ō, sākə̄rā kə́ njasí tə́, i təngā kə́ ī-təngāī loo kɔjə Najə̄ kə́ Majə kə́ adə̄ de gə̄ kem sɔl̄ lɔm tə́ ō.

Yā tɔ̄ləń ta najə̄ ní, ādī tɔ́gə́sí to kə ta kūl̄ ɓoo naā yāsí kə́ kə Kɔ́ɔ̄ɓēé ō, ādī tɔ́gən adə̄sí tɔ́gə ō.

Ī-rɔȳ bɔbí ō kó̰ó̰í ō, nge ń noō i gō míndə́ kə́ kété ń Nə́ɓā ənī míndən tāmən tə́ ní. Kənī míndə́ ní n toó: Yā kadə̄ ī-ndi majə ō, kadə̄ ī-ndiń kə kumií ta kaw̄ jóo dɔ nang tə́ ō.

Ngán gə̄, ōōī ta bɔbə̄sí gə̄ ō, ta kó̰ó̰sí gə̄ ō, kə gō ɓoo naā yāsí kə Kɔ́ɔ̄ɓēé. Nge ń noō i yá̰á̰ kə́ gō tə́.