Makətūbə̄ yā Daniel 5 Popüler Kutsal Kitap Ayetleri

Paylaş

Ḭ̄ ī-tɔ́sə̄ gātə̄ Nə́ɓā kə́ dɔ rā̰ tə́, tām̄ ādə̄ reēn̄ kə ngáń gájə́ yá̰a̰ rāā kəla gə̄ kə́ kem kújə yān tə́ adə̄ ā̰yń kasə *nduú, ḭ̄ ō, de kə́ bo yāí gə̄ ō, də̄yá̰ gidə ndogə̄ yāí gə̄ ō, dəyá̰ kə́ ngé rāā kəla yāí gə̄ ō. Tá ɓáý to̰ ní ḭ̄ ī-tɔ̄ȳ nə́ɓā gə̄ kə́ rāān̄də́ kə gində̄ arjā̰a̰ ō, kə lɔ́r ō, kə gində̄ nə̄ngá kasə ō, kə gində̄ kə́ karī ō, kə kāgə̄ ō, kə mbal̄ ō. Adə̄ i nə́ɓā gə̄ kə́ a̰a̰n̄ loo aĺ ō, oōn̄ loo aĺ ō, gerə̄n̄ yá̰a̰ aĺ ō. Ba Nə́ɓā ń koōí ō, yá̰a̰ gə̄ ń a reēn̄ dɔí tə́ ndɔ̄n tə́ ō, i kem jīn tə́ ní, ḭ̄ ī-rɔȳn alé!

Najə̄ ń ndang ní n toó: Mene, mene, tekel, uparsin. Kumən n toó: Mene ní kumən na i tə́dan̄, adə̄ Nə́ɓā tə́da ko̰o̰ ɓē yāí kɔ̄ɔ́ ō, rāā adə̄ gír ko̰o̰ ɓē yāí gān̄g kɔ̄ɔ́ ō . Tekel ní kumən na mbɔ̄jə́n̄ kɔȳn, adə̄ mbɔ̄jə́n̄ kɔyí kə yá̰a̰ mbɔ̄jə́ kɔȳ yá̰á̰, ba a̰a̰n̄ kadə̄ ásə alé. Peres ní kumən na gāngə̄n̄ naā tə́, adə̄ gāngə̄n̄ ko̰o̰ ɓē yāí naā tə́ yā kadə̄ Medə gə̄ núsən kógə̄ḿ ō, yā kadə̄ Persə gə̄ núsən kə́rēý ō.