Kɔ́ɔ̄ɓē əda ɓáý to̰ na:
Ndɔ̄ a reē noó kadə̄
kōō i ngá̰ý al̄ naā,
adə̄ kōō gə̄ ní a ton̄ bátə́
ugə̄ń dan yā ndɔr̄ gə̄ tə́.
Kəja kan̄ *kāgə̄ nduú a to
bátə́ ugə̄ń dan yā dubə̄ kōō
gémē gə̄ tə́ tītə̄ ń noō ō.
Loo ń noō tə́ kasə *nduú kə́ kijə
a nūgə́ dɔ ngán mbal̄ gə̄ tə́ ō,
a un dɔ ngán mbal̄ gə̄ ō.
*Israel gə̄ ń
i gír deē yāḿ gə̄ ní ,
m-ā m̄-rāādə́ kadə̄
a tél a ndin̄ tītə̄ kə́ kété.
Ɓē bo kə́ nujə kɔ̄ɔ́ gə̄ ní,
nin̄ a télən̄ yā rāā gogə́ ō,
a télən̄ yā ndi kem
ɓē bo gə̄ ní tə́ gogə́ ō.
Nin̄ a əhɔn̄ *kāgə̄ nduú gə̄ ō,
a a̰ȳn̄ kasə nduú ō.
Nin̄ a ndɔrə̄n̄ ō,
a əsan̄ yá̰á̰ kə́ ndɔrɔ́ ō.