Makətūbə̄ kə́ nge ko̰ jōó ń Pol ndang adə̄ Korḛntə gə̄ ní 1 Popüler Kutsal Kitap Ayetleri

Paylaş

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju *Kərist, ni ń i Bɔbə̄jí kə́ kumən o̰o̰n ngá̰ý ō, i Nə́ɓā kə́ nge sɔl̄ kem deē dan yá̰a̰ gə̄ tə́ malang ō ní. Ni-sɔl̄ kemjí dan wur kɔl gə̄ tə́ malang, i yā kadə̄ j-asiīneé sɔl̄ kem ngé gə̄ ń ndin̄ dan yá̰á̰ kə́ tōr̄ gə̄ tə́ ní ō. Ba j-a jə-sɔlī kemdə́ i kə kem sɔl̄ ń jḭḭ̄ kɔ́ gə̄ j-ə́ngeī jī Nə́ɓā tə́ ní.

Tītə̄ ń yá̰á̰ kə́ tōr̄ gə̄ yā Kərist rāān̄jí ngá̰ý ní, i tītə̄ ń toō n jḭḭ̄ j-əngeīneé kem sɔl̄ ngá̰ý kə ta kūl̄ Kərist ō ní.

Jḭḭ j-ɔjəń na jḭḭ na i de kə́ gāngə̄n̄ sarya yo dɔjí tə́ kɔ̄ɔ́ ɓá. Banī yá̰a̰ gə̄ rāān̄ yá̰a̰ beé i yā kadə̄ jə-ndóoń kəndā kemjí dɔ rɔ̄jí jḭḭ kɔ́ gə̄ tə́ alé, ba i yā kadə̄ j-əndāń kemjí dɔ Nə́ɓā ń i nge ndól̄ de kə́ koy gə̄ ní tə́.

Banī nge ń mbūsə̄jí kadə̄ jə-ra ngan̄g naā tə́ sesí kem Kərist tə́ ō, ur yibə̄ dɔjí tə́ ɔrə̄ń kam̄jí ō ní i Nə́ɓā. Ni-əndā tə́ré yá̰á̰ kógə̄ḿ rɔ̄jí tə́ yā kɔjəń kadə̄ jḭḭ i deē yān gə̄ ō, adə̄jí *Ndíĺ kə́ Táĺ kemjí tə́ tītə̄ yá̰a̰ kəhɔ gātə̄jí beē, yā kɔjəńjí kadə̄ na n-adə̄jí yá̰á̰ kə́ majə gə̄ ń ni ngɔ̄m̄ tām̄ yājí tə́ ní rɔ̄kum ō.

Ré jḭḭ j-a̰a̰ tápə̄ anī, i tām̄ yā kadə̄ sḭḭ̄ ə́ngeīneé kem sɔl̄ ō, ájiīneé ō. Ré sɔlə̄n̄ kemjí anī, i yā kadə̄ sḭḭ̄ ə́ngeīneé kem sɔl̄ kə́ kadə̄ rāā sesí tá kadə̄ sḭḭ̄ ásiīneé tə́gā tasí dan yá̰á̰ kə́ tōr̄ gə̄ kə́ tītə̄ yājí tə́ ō.