ئنجیل مەتا 24 Popüler Kutsal Kitap Ayetleri

Paylaş

وەبونەێ فرەوه بوین خراوی، مابەت مەردم فرەێگ وەرەو سەردی چود. وەلێ هەر کەس تا وه ئاخر بەردەوام بمینێ، نجات پەێا کەی.

ئی خەوەر خوەش پادشایه وه سەرئانسەر جهان جار درێید تا بوده شاێەتی ئەڕا گشت ملەتیل. ئمجا جهان وه ئاخر رەسێ.

هەر ئیجوره له باوەت شەڕیل شنەفین و خەوەر شەڕیل وه گوشدان رەسێ، ڕخدان نەچود. چوینکه ئیجور هەڵکەفتیلێ باێه بکەفێ، وەلێ هێمراێ ئاخر کار نەرەسیه.

چوینکه ملەتێگ ئەڕا ملەتێگتر و مەمڵەکەتیگ ئەڕا مەمڵەکەتی تر هەڵسێ. وه جایل جورواجور قاتوقڕییل و زەویەلەرزیل تێ. وەلێ ئیانه تەنیا شرو ژان زاینه.

ئاسمان و زەوی له بین چود، وەلێ قسیەیل مه هەراێهەر له بین نیەچود.

چوینکه فره له کەسیل وه ناو منەو تیەن، ئویشن، ”مه مەسیحم“ فره وه کەسیلیش له ڕێ دەر کەن.

«ئمجا دەنەدانه دەسەو تا بەرد باێه ملدان و بکوشنەدان. گشت ملەتیل وەبونەێ ناو من قینێانه لێدان تێ. وه ئەو وەخته قێر فرەێگ وه ئیمانێان هەڵوگەردیەن، وه یەکترەکی خێانەت کەن و قینێان له یەکترەکی تێ. پەێخەمەریل دروەکانی فرەێگ هەڵسن و قێر فرەێگیش له ڕێ دەر کەن.

عیسایش جواویان دا: «هوشدان بود تا کەسێ له ڕێ دەردان نەکێ.

ئمجا ئیوەیش باێه گورجەو بوین، چوینکه کوڕ ئنسان وه یەێ ساتێگ تێ که چەوەڕێی نین.

جا وەخەوەر بون، چوینکه نيەزانين خوداوەنددان وه چ ڕوژیگ تێید.

«وەلێ ئەو ڕوژ و ساته هویچکەس نیەزانێ بێجگه باوگ؛ تەنانەت فریشتەیل ئاسمان و کوڕیش وه لێ ئاگادار نین.

چوینکه مەسیحیل دروەکانی و پەێخەمەریل دروەکانی تیەن و نیشانەیل و موجزەیل گەورا تیەرن تا ئەگەر بکرێ، تەنانەت هەڵوژاردەگان له ڕێ دەر بکەن.

وەخت هاتن کوڕ ئنسان مێنیده ڕوژگار نوح. چوینکه وه ئەو ڕوژەیل وەرجه لافاوەگه، مەردم خواردیان و نوشیان و ژن خوازیان و شوی کردیان، تا ئەو ڕوژه که نوح چیه ناو کەشتیەگه و ئەوانه نیەزانستیان چه بود، تا ئەو وەخته لافاوەگه هات و گشتێان وەگەرد خوێەو برد. هاتنەوەێ کوڕ ئنسانیش هەر ئیجوره بود.