Ïïjjïn 37 Popüler Kutsal Kitap Ayetleri

Paylaş

Aŋ Yuucip cääyge lääggï aŋ wääna päkkeneeda mädgen ye, i ike putki jï kä yaac.

Aŋ Yaagüüp Yuucip ken bilge kä yaac kä mädgen, nääŋka ike agee minneni yen ḍüŋkïtïn yeene ye, aŋ näŋgene burŋu ŋerrä.

Aŋ wääna mädgen muure yuṭṭene ike bilgene daa wäyen kä yaac kä iken ye, putki jï kä yaac, aŋ batta jääckätä kä jon ñammä.

Aŋ Yuucip läkkä lääggï yakkalaŋ aŋ nüütkene mädgen aŋ jaajjin ogo, “Tiiŋe ika läkkä lääggï yakkalaŋ. Äŋ ke paan ke kirkä kä caay wiñen kä keelok ḍüŋjïn ïñï ika ti.”

Aŋ mämgï jï mädgen aŋ wäyen jiik yaakka tïïññe jone ti.

Aŋ kiinne ogo, “Tiiŋe lääggï yaaka läkkä kä yaakki. Ïkïïn müürïnaan cääyïn yiil jï ḍïïkïn päk witken aŋ wääna ḍeggon yeeni yuutte ñaalok ye, yeekic muure witken ḍüülï ti yeeni ti, aŋ ḍüŋjïn ïñï yeeni ti.”

Juwe näkïn ḍok aŋ yeepïn ïñï jïïn kalaŋ jï, aŋ ïkïïn jaaccïn ogo ammïï gin kurkuŋgu yaŋkalaŋ. Aŋ ïkïïn bi yüṭïn a ŋaaka ken bi äbänä lääggï yeeke.”

Aŋ wääna yääjoni yek mä Icämayiil kaajdene kä ye, i Yuucip äbi woo mädgen jïïdük, aŋ yääjgi mä Icämayiil tiilgä gälkä waŋgen caykä kä yew. Aŋ Yuucip iji Macïr.

Aŋ iken luugjin pääken ogo, “Yooṭe män lääggï ïya äätä.

Aŋ yooṭi kä utar, aŋ i batta mor ḍägä ti iken ti kä cokal, iken lääljin pugin ogo nägjï ḍok.

Aŋ Robïïn jaajjin ogo, “Ŋana yïmge püükïtïn woo, ääte yeepïn jïïdük woo teettälaŋ winni, ŋana ïnko äccïtïn ike ti.” Aŋ Robïïn jaajjin kä waŋ kä yaana ṭäkee määgedeeda woo iken ti, aŋ tuceeda ŋäjäk wäyen ti ye.