Гьеб хабар рагӀарабго, БетӀергьанасул РухӀ рещтӀана Шаулиде, ва гьесул кутакалда ццин бахъана. КӀиябго оцги хъун, бутӀаби гьаруна гьес ва гьадин гьабизе бугин Шаулидаги Шамуилидаги хадур рилълъинчӀел чагӀазул оцазеянги абун, гьел бутӀаби чапарзабазда цадахъ ГӀизраилалъул ракьалде киса-кирего ритӀана.
Гьебмехалъ халкъалъул рекӀелъе БЕТӀЕРГЬАНАСДАСА кӀудияб хӀинкъи лъугьана ва, цо хутӀичӀого, гьел къватӀире рахъана.