रोमियां 10 Popüler Kutsal Kitap Ayetleri

Paylaş

कि अगर तु आपणे मुँहा लारे ईशु नु प्रभु जाणती कर मनती गिही ते आपणे मना लारे विश्‍वास करी, कि नरीकारा ने ओनु मरले आला महु जीते करले, ते तु पक्‍का ही उद्धार पावे।

कांकि धार्मिकता वास्ते मना लारे विश्‍वास करला जाये, ते उद्धार वास्ते मुँहा लारे अंगीकार करला जाये।

ऐवास्ते विश्‍वास सुणने लारे, ते सुणने मसीह चे वचन लारे हुवे।

कांकि पवित्रशास्त्र ईं किहे, “जको कुई ओचे उपर विश्‍वास करी, ऊं शर्मिन्दे नी हुवी।” यहूदिया मां ते नेरीया जातिया मां कुई भेद कोनी, ऐवास्ते कि ओ सब चा प्रभु छै। ते ओची दया वा सब चे वास्ते छै, जको ओचे ना गिहे, अपरम्पार छै। कांकि, “जको कुई प्रभु चे नाम गिही, ओ उद्धार पावी।”

ते अगर प्रचारक भेज़ले ना जाओ, तां प्रचार किवें करे? जिसड़े कि पवित्रशास्त्रा मां लिखले पले, “वांचे पग़्ग़ कितने सुहावने छी, जको सुसमाचार सुणावी।”

बल्ति जाये उपर वाणे विश्‍वास कोनी करला, वे ओचे नां किवें गिहे? ते जाई कोनी सुणली ओचे उपर किवें विश्‍वास करो? ते प्रचारक चे बिना किवें सुणो?

मसीह ने व्यवस्था चा अन्त करला ताकि हर-हेक जको विश्‍वास करे, नरीकारा चे वास्ते धार्मिक हो।