Hakaroma 8 Popüler Kutsal Kitap Ayetleri

Paylaş

Pano tudi twa dimuka eshi Nyambi ne, gha rughanitha ghuhunga koyu gha mu haka. Oyu ghapwa kwitha pamahimeno ghendi.

Yino na yidimuka shemwa eshi, mbadiko kufa, endi moyo, endi haengeli, endi mangcamu, endi yopan̂anyi‐n̂anyi endi yokughutho, endi ngcamu. Endi ghure endi ghudhungi, ngambi kehe thivareka mbadi tha kona kutuyakunutha kuruhakitho rwaNyambi. Ruhakitho ru ne, mwaKristus Jesusi ghoHekudyetu rwa kara.

Mupepo netu ghudi karo mughukashu wetu. Atwe mbadi tuna dimuka yinye no ngepi di sho tu raperere. Ene Mupepo ghothinda ghuna kuhema kumatongero gha, mukupira kushwagha po n̂ando.

Nye sho tu ghambe pano, kuyinu yoyihe yino? Thinu thofotji ne thino: Nyambi wetu, yidye sho gha tu tokotere?

Yodigho mbadiko makutetero kwawa ha tawa mwaKristus Jesusi.

Yinu yi gha rughanine munu pathina‐ghunu, ya tambire kukufa. Eyi gha rughanitha Mupepo ne, ya reta moyo no thiraro.

Ene yinu yoyiheya yi, twa yi piterera twakakuwitha, papendi yu gha tu haka.

Ame na kughayara shemwa eshi, kunyanda ku tuna kunyanda ne mbadi kwapiterera ghufumu waNyambi oghu mbo gha tupa kughutho.

Yidye ne yu sho gha kone kutuyakunutha kuruhakitho rwaKristusi? Kunyanda ndi, endi ndundumera, kukutha‐kutha, ndhara, wira, endi maghukukutu ngambi dimende?

NaNyambi yu gha dimuka mitjima dhawanu, yo gha dimuka thitambo thaMupepo. Yoyishi Aye gha kuhema pamahimeno ghaNyambi kwawatawi.

Wahe wa wa yenditha Mupepo waNyambi ne, hana Nyambi.

Awa dya rawera diharwero paghunu, ha kara payinu yopamaharwero ghopaghunu. Ene wa warwera Mupepo, ha kara muyinu yaMupepo.

Aye mbadi gha ghamwenine Mwanendi. Ene gha mu tapire kwawahe eshi, ghawa ghamwene. Mbadi gha kona kutupa yinu yimweya pofotji nendi ndi?

Mupepo ghu wa nongonona pofotji nomidhimu dhetu eshi twana Nyambi twe. No ngeshi twanendi twe, ngo natwe karo twakakuyora. Atwe ne twakakuyora yaNyambi, pofotji naKristusi. Kuninga eshi ngeshi ha tu nyanda pofotji Nendi, mbo tuna fumana karo pofotji Nendi.

Eyi dya rughanitha diharwero dyoghunu wamunu, ghukore ghokwaNyambi. Yoyishi mbadi ya tawa kumuragho waNyambi, no mbadi ya kona nokamanana temba.

Yivareka yina kutaterera ghurura thikuma eshi, hadye wa mbo gha tenda Nyambi hanendi.

Twa dimuka eshi, yivareka yoyihe kutonga yina kutonga pan̂anyi‐n̂anyi thikuma kumataterero.