متّی 24 Popüler Kutsal Kitap Ayetleri

Paylaş

بدکاری دے ودھ ونجنڑ پارُوں لوکاں دی محبت ٹھڈی پے ویسی۔ پر جیہڑا آخر تئیں برداشت کریسی اُوہو نجات پیسی۔

تے بادشاہی دی اِیں خوشخبری دی تبلیغ ساری دُنیا ءچ کیتی ویسی تاں جو سبھ قوماں کیتے گواہی ہووے، وَل خاتمہ تھیسی۔

تُساں جنگاں تے جنگاں دیاں افواہاں سُنڑسو۔ خبردار! گھبرا نہ وَنجائے، کیوں جو اِنہاں دا تھیوݨ لازم ہے۔ پر اُوں ویلے خاتمہ نہ تھیسی۔

کیوں جو قوم اُتے قوم تے سلطنت اُتے سلطنت چڑھائی کریسی، تے جاہ جاہ کال تے زلزلے آسن۔ پر ایہ سارے گالھیں تاں مُصیبتاں دا صرف شروع ای ہوسن۔

اسمان تے زمین ٹَل ویسن پر میڈے گالھیں کڈھائیں نہ ٹَلسن۔

کیوں جو بہُوں سارے میڈے ناں نال آسن تے اکھیسن جو ’مَیں المسیح ہاں،‘ تے بہُوں سارے لوکاں کُوں گُمراہ کریسن۔

اُوں ویلے لوک تُہاکُوں پکڑ تے سخت سزاواں ڈیسن تے قتل کریسن تے سبھ قوماں میڈے ناں دے سببّوں تُہاڈے نال دُشمنڑی رکھیسن۔ اُوں ویلے بہُوں سارے لوک اِیمان کنُوں پِھر ویسن تے ہِک ڈُوجھے کُوں پکڑویسن تے آپس ءچ دُشمنڑی رکھیسن۔ بہُوں سارے کُوڑے نبی اُٹھی کھڑے تھیسن تے بہُوں سارے لوکاں کُوں گُمراہ کر ڈیسن۔

یسُوع جواب ءچ آکھیا، ”خبردار! کوئی تُہاکُوں گُمراہ نہ کر ڈیوے۔

اِیں واسطے تُساں وی تیار راہو کیوں جو جِیں ویلے تُہاکُوں توقع وی نہ ہوسی، اِبنِ آدم آ ویسی۔

بس جاگدے راہو کیوں جو تُساں نئیں جانڑدے جو تُہاڈا مالک کیہڑے ڈینہہ آسی۔

پر اُوں ڈینہہ تے اُوں ویلے دے بارے ءچ کوئی نئیں جانڑدا، نہ اسمان دے فرشتے نہ پوتر پر صرف باپ۔

کیوں جو کُوڑے المسیح تے کُوڑے نبی اُٹھی کھڑے تھیسن تے ایجھے وڈے وڈے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

جِینویں نُوح دے ڈینہاں ءچ تھیّا ہا، اُونویں ای اِبنِ آدم دے آوݨ ویلے تھیسی۔ کیوں جو طوفان کنُوں پہلے دے ڈینہاں ءچ نُوح دے کشتی ءچ ونجنڑ دے ڈینہہ تئیں لوک کھاندے پِیندے تے شادی ویاہ کریندے ہَن۔ اُنہاں کُوں خیال وی نہ ہا جو کیا تھیوݨ آلا ہے، جئیں تئیں طوفان آیا تے اُنہاں سبھ کُوں وہا تے گِھن نہ گِیا۔ اِبنِ آدم دے آوݨ ویلے وی اِینویں ای تھیسی۔