متّی 18 Popüler Kutsal Kitap Ayetleri

Paylaş

کیوں جو جِتھاں ڈُو یا ترے میڈے ناں ءچ کٹھے ہِن اُتھاں مَیں اُنہاں دے وچال ہاں۔“

مَیں تُہاکُوں ولا آدھا ہاں جو جے تُہاڈے ءچوں ڈُو بندے زمین اُتے کہیں شے کیتے اِتفاق نال دُعا کریسن تاں او میڈے اسمانی باپ دی طرفوں اُنہاں کیتے تھی ویسی۔

اُوں ہِک بال کُوں سڈیا تے اُونکُوں اُنہاں دے اَدھ ءچ کھڑا کیتا تے آکھیا، ”مَیں تُہاکُوں سچ آدھا ہاں جو جے تُساں توبہ نہ کرو تے بالاں وانگُوں نہ بنڑو تاں تُساں اسمان دی بادشاہی ءچ اصلُوں داخل نہ تھیسو۔

بس جیہڑا کوئی آپنڑے آپ کُوں اِیں بال وانگُوں چھوٹا بنڑیسی اُوہو اسمان دی بادشاہی ءچ سبھ کنُوں وڈا ہوسی۔

تے جیہڑا کوئی ایجھے بال کُوں میڈے ناں ءچ قبول کریندے او میکُوں قبول کریندے۔

مَیں تُہاکُوں سچ آدھا ہاں جو جیہڑا کُجھ تُساں زمین اُتے بدھیسو او اسمان اُتے بدھیسی، تے جیہڑا کُجھ تُساں زمین اُتے کُھلیسو او اسمان اُتے کُھلسی۔

میڈا اسمانی باپ وی تُہاڈے نال اِینویں ای کریسی جے تُہاڈے ءچوں ہر ہِک آپنڑے بِھرا کُوں دل تُوں معاف نہ کرے۔“

پر جیہڑا کوئی اِنہاں چھوٹیاں ءچوں جیہڑے میڈے اُتے اِیمان گِھن آئے ہِن کہیں کیتے اِیمان تُوں گُمراہ تھیوݨ دا سبب بنڑدے، اُوندے کیتے اِیہو چنگا ہے جو چکّی دا پُڑ اُوندی گِچی ءچ پا تے اُونکُوں ڈونگھے سمندر ءچ بوڈ ڈِتا ونجے۔

تُہاڈا کیا خیال ہے؟ جے کہیں بندے دیاں سو بھیڈاں ہووݨ تے اُنہاں ءچوں ہِک گُم تھی ونجے تاں کیا او ودھانوے بھیڈاں کُوں چھوڑ تے اُوں گُم تھئی کُوں پہاڑاں اُتے نہ گولھیسی؟