Romo 8 Popüler Kutsal Kitap Ayetleri

Paylaş

Naamere gupi laminya. Naame Gode repara pu ademandare gore naa repara pilia aunu raayo naa ma-epeape eina pia laminya. Go au pi auri nipuna go au pinya, go au pinya, loma wi lamea wenaali repara komea go au pilia.

Neme kone sialopare Godeme naa repara pu gea ei mendame sese na-pilia. Eindiolo alinumi pange yaa nane andere pimi repaame pange komelema o pa alima pange ambia pia aunumi pange werepe pula pea aunumi pange Godeme naa repara pu gea ei mendame sese na-pilia. Su nane pia alenu o yaa nane aeme alenumi pange Godeme naa repara pu gea ei mendame sese na-pilia. Godeme wapea alenumi pange nipuna naa repara pu gea ei mendame sese na-pilia. Yesu Keriso naana Reali ruparare go Godena pu gea eiri naana ei.

Naare puri na-palemandare mendaa rupa ande Godena Yaakopi Sipiridimi naa rambamula epea. Naame mo yainya pape alenuri yainya pape rupa kone na-wima. Ande Epe Yaakopi Sipiridimiri Gode repara naana angele lado arare su wenaali naame pangape nono na-pi angeleme lao-aya.

Go einu kone siamba arare ake laminyapae. Godenda naa rapunda radeandare gore naa yanda lii auri apimi piliayapae.

Yesu Keriso rapu runaema wenaali parare mendame koae yangi menda na-adea.

Niminda nimina do riame andere-ainya demendare nimi komala ei andeleme. Go peapare niminda ande Epe Yaakopi Sipiridimi andere-ainya demendare gore nimimi kuma pi ei pange endoaya ei milimi.

Diama. Yesu Keriso naa pu gea ali rapu arare go alenu raayosi naame lu angulaema.

Ambia naame go nalama rendaare pa ongeisi. Go peapare werepe penameyala epelea epe paa pi eiri naa repara wadeanda ao-paidapema eiri ora andaai.

Go einare Kerisome naa repara pu gea eiri apimi sese piliayapae. Naa repara kenda epelea eimi o naa kenda milima eimi o wenaalimi naa rendaa gilimi eimi o naa reame komelema eimi o yamape aka menda diade eimi o ale mendame naa ma-koyaluame pilia eimi o naa diiminda pangere Godena pu gea ei na-sese pilimi.

Go einare Gode ande wenaalina pu runane ando-aya alimiri ande Epe Yaakopi Sipiridina konenu pange kone wia. Gode nipuna rana pea rupa nipuna wenaalina angele ande Epe Yaakopi Sipiridimi nipu repara la aloaya.

Ande Epe Yaakopi Sipiridimi karu pula repaare Godena nakinu.

Ande nimuna dome da rupa ao-paluae wenaali nimuna konenuri nimuna dome rana kome eimi andere pimi. Go peapare ande Epe Yaakopi Sipiridimi da rupa ao-paluae repaa nimuna konenuri go Epe Yaakopi Sipiridimi andere pirina leme.

Godemere nipuna Nakiri pa na-karu pirisaya. Go au na-piri naa rondona Yesu liinya pu lisaya. Go einare olemole raayo naa repara sese na-pi ora gilia.

Godena Sipiridimi naana remo lapo epa runaomare nipu raidipuname lalore Naare Godena nongo nakinu lo aepe. Naare nipuna nongo nakinuyandare Gode nipumi nipuna repaana siaya alenu milima. Gupuma Keriso rapu Godeme Yesuna siaya alenu pange rali pilima. Gupuma ambia nipumi misaya rendaa ambia pange naame nelemandare gore nipuna epepe alenu Epeni nane werepe andelema.

Go einare ali menda nipuna dona rana pea eimi nipu andere-aliandare nipuri Godena yanda runguli ali aya. Akepeare nipumi Godena Rudule Angele na-pangea. Nipumi go angele pangalore ana na-pea.

Godeme wapuma winya lea alenu raayome Godeme nipuna nakinu aeme ei penameyao walenaya raname komalo ara leewina pimi.

Go einare naame kone wima. Godeme wapea olemole raayosimi naki kou nalanda ee dame rupa mandana ee lari ipula aeme.