Galaesia 5 Popüler Kutsal Kitap Ayetleri

Paylaş

Go peapare ande Epe Yaakopi Sipiridimiri pu ada ei, raname komala ei, pu yokoria na-pamuala ei, menda menda repara kuma kuma puma epe au pia ei pange rendepona ao-paluaya ei pange epe enda nala ei pange kone para ao-aya ei pange raayo ma-epao-aya. Go einu rapu yanda liape Rudule Angele menda na-wia.

Nemere go angele lalo. Nimina ao-paluaeme eiri ande Epe Yaakopi Sipiridimi wada rupa alepape. Go au pilimindare gore nimina pumi raname komala aunu na-pilimi.

Ande Epe Yaakopi Sipiridimiri naa endoaya ei gea. Go einare naana ao-paluaema ei pange nipumi andere-ainya.

Go eina Yesu Kerisona wenaalimiri nimuna ambala aunu pange kone puaripa ale pange wee pambarimi alenu raayosi perelena lame.

Wenaalina pumi wee pambada eiri ambuname pename andeleme. Go eimiri go ei wadea. Wena para ali laapome pake nalepe ei, kodo pi aunu pi ei pange yaname pia aunu pia ei. Gupuma yayapi Gode repara yainya pi ei pange romo nee ambu pi aunu pange rono pi ei pange yanda runguluma yanda pi ei, mendame epe au pi anda rono pangala aunu pi ei, mendame nipu wandua apanaya koae kone siape einu, koae ipa nape ei pange koae aunu raayosi andapu puaeme. Gupuma nimuna gole, rekele rekele pulolo puaeme. Neme ambala kingi angele lawande rupa ambi wala apo lalonda. Go aunu pilimi repaa nimimi Godena Ki Rambuao-aya Eiri na-milimi.

Na amenuo, nimiri kepe rapae wenaali aliminyaya wilea. Akepeare nimi go kepe rapae wenaali aemendare nimimi go ei kone suma nimina do rianumi wee pambademe einumi nimi na-andere-ainya dapape. Go au na-piri pu ada eimi menda menda rambaminya dapape.

Akepeare naana pumi rana komala alenuri ande Epe Yaakopi Sipiridimi rana komala alenu diama. Naana pumi rana komala ei para Epe Yaakopi Sipiridimi rana komala ei laapore yanda runguli pi. Go eimiri gore nimina pumi rana pilia au na-pilimi.

Akepeare ande Rudule Angelenu raayore mana angele komea rupara epa kondo pambeme. Go mana angelemere go lea ei. Nena gole nee rana komoale rupare nena yangonu para pange mendaa au papelea.

Naame naana bi gole na-minyasiala paminya pange menda menda na-ma-pulala paminya. Gupuma mendana alenuna rono na-pangaminya.

Yesumi naa dipula pima ei kepe rapaya. Go einare kepe rapae wenaali mandana alepape. Gupuma alinumi nimi wala dipula na-minya dapape.