རོ་མི། 4 Popüler Kutsal Kitap Ayetleri

Paylaş

ཨོ་ཉེ་རང་གི་ནེ་བུ་ དཀོན་མཆོག་གི་ དབུ་མནའ་བཞེས་ཁཱན་ག་ རོ་ཀི་དོགས་པ་མ་སག་ཅི། ལག་ཏང་ རོ་ཀ་དད་པ་སྒྲིང་སྒྲིང་རི་ཉི་ དཀོན་མཆོག་ག་ གཟི་བརྗིད་ཕུལ་བ༌ལ། དཀོན་མཆོག་གི་ དབུ་མནའ་བཞེས་ཁཱན་ཁེ་པ་ དཀོན་མཆོག་གི་ མཛད་པེ་རེ་བེ་དག་ཉི་ རོ་ཀི་ཏེན་ཏེན་ཨ་ཉི་རང་ དད་པ་ཨ་ཝ་ཆོ༌ཝ།

ཇི་གི་ནཱན་རྒྱལ་ཁབ་ མང་པུ་ཐུར་ག་ ཡབ་ཅོད་པ་ཅ་དག་ཉི་ གསུང་རབ་གེ་ཤོན༌ཅ། རོ་ཀི་དད་པ་ཨ་ཁཱན་ དཀོན་མཆོག་ག་སྤྱན་ག་ རོག་ཤོ་ ཨ་ཧ་ཡབ་གི༌ལ། རོག་ཤོ་ ཤི་ཁཱན་བ་ཀ་ཚེ་གནང་ཁཱན་ དཀོན་མཆོག་གི༌ལ། ཉི་རོ་ཀི་ གོ་མ་མ་ཁཱན་ཁེ་པ་ བཀོད་ཉི་གནང༌ཅ།

ཡི་ཤུ་ཤོ་ ཨ་ཧ་སྡིག་པ་དེན་གེ་ གཤགས་པེ་ག་གནང་མ༌ལ། དག་པ་ཀབ་ཉི་ ཨའི་དཀོན་མཆོག་ག་སྤྱན་ག་ དྲང་པུ་ཅོད་པེ་དེན་གེ་ རོག་གཤགས་པ་གེ་ ལོག་ཉི་བཞེངས་པ་གི༌ལ༎

དཀོན་མཆོག་གི་ ཨ་བཱརའ་ཧམ་ག་ ནཱན་རྒྱལ་ཁབ་ མང་པུ་ཐུར་ག་ ཡབ་རི་ལེ་དག་ཉི་ གསུངས་མ་ཀབ་ཉི་ ཨ་བཱརའ་ཧམ་གི་ དཀོན་མཆོག་གི་ གསུངས་ཁཱན་ག་ དད་པ་ཨ༌ཝ། ན་ག་མི་རྒྱུད་ཁེ་པ་ ངབ་ཀ་སྐར་མ་སྨིན་དྲུག་བ་ ད་བུ་རང་ཨོ་ཕེ་ན་དག་ཉི་ གསུང་རབ་ནང་ཀེ་ཤོན༌ཅ། ཨུ་ཉུ་ད་བུ་ཇུང་མེ་ག་ མར་བེ་ད་བུ་ཐོང་ནེ་བུ་ ཨ་བཱརའ་ཧམ་གི་ དད་པ་ཨ༌ཝ།

ཨོ་ཉི་ཨ་དེན་གེ་ ཨ་བཱརའ་ཧམ་ག་ མི་རྒྱུད་ཐམས་ཅན་གི་ ཉོང་ཅེན་དག་པ་གི་ ཨོ་ཉ་དབུ་མནའ་ཤོ་ དད་པ་ག་ཐུང་ཀེ་ཨ་ཉི་ ཐུགས་རྗེ་གཟིགས་ཉི་ ཏོང་པ་གེ་གནང་ཅ་གི༌ལ། བཀའ་ཁྲིམས་ག་ ཆ་གནས་ཐ་ཁཱན་བ་ཀི་ཤ་ མང་གི་ཝ་ ཨ་བཱརའ་ཧམ་ད་བུ་དད་པ་ཨ་ནེ་ལ་ བཀའ་ཁྲིམས་ག་ ཆ་གནས་མ་ཐ་ཁཱན་བ་ཀི་བུ་ ཉོང༌པེ། ཧང་ཡ་དག་ནེ་ལ་ དད་པ་ཨ་ཁཱན་ ཐམས་ཅན་ག་ཡབ་ཤོ་ ཨ་བཱརའ་ཧམ་གི༌ལ།

ལའི་ངཱད་པ་ཀབ་ཉི་ བཤགས་པ་ཉོང་ཁཱན་བ་ ཧབ་ཏུར་ཤོ་ནང་ཕེ་ལེ་ཡ། རོག་ཏེ་བ་ཀ་ སྡིག་པ་བ་ མིང་གི་མ་ཐོང་མ་ ཅོད་ཉི་གནང་མ༌ཅ། གཙོ་བོ་གི་ ལོག་ཉི་ཧ་ལ་རང་ སྡིག་པ་དྲང་མ་ཨ་ཁཱན་ སོ་ངོ་ཁེ་པ་ ཧབ་ཏུར་ཤོ་ནང་ཕེ་ལེ་ཡ་ དག༌ཉི།

ཧང་ཡ་དག་ནེ་ལ་ གསུང་རབ་གེ་ཤོན་ཅ་ ཨ་བཱརའ་ཧམ་གི་ དཀོན་མཆོག་ག་ དད་པ་ཨ་ཝ་ཨ་དེན་གེ་ དཀོན་མཆོག་གི་ རོག་དྲང་པུ་ཨ་ཉི་ ཙིན་གནང་མ་དག༌ཉི།