ཉི་བླ་མ་ཆི་ལུ་བ་ཀི་ སོ་ངོ་ཆི་ལུ་བ་རཱན་ཐཱན་ ཏུན་ཆ་ཨ་ཉི་ སྲུང་རྒྱབ་པ་བ་ཀ་ ནང་སུབ་བི་ལེ་ཨ་ཉི་ ཐ་ཝ༌ལ། ཉི་རོག་ཏེ་བ་ཀི་ སྲུང་རྒྱབ་པ་བ་ཀ་ ཡེག་པ་ལ་ བི་ནང་ག་ ན་ཧ་བ་ ཡིབ་ཉི་ཆོ་ལ་ཀབ་ཉི་ ཡི་ཤུ་ག་ སློ་མ་བ་ཨུན་ཐཱན་ རོ་ཀ་སྐུ་ཕུང་ དྲོ་ཝཱན་ཨན་བུ་ཝ་ཨ་ཉི་ ཡེག་ཅོ་ན། དཔོན་སློབ་གི་ ཨོ་ཉ་ཀོར་གེ་མཁྱེན་ནེ་ལ་ ཨ་ཤི་ ན་ཧ་རྒྱབ་ཨ་ཉི་ཐིང༌མེ། ཨོ་ཉི་ཨ་དེན་གེ་ ན་ཧ་བ་ ཧང་ཀ་ལུ་རང་ མ་ཏཱད་པ་དག༌ཉི། ཉི་སྲུང་རྒྱབ་པ་བ་ཀི་ ནང་སུབ་དོག་ཉི་བུན་ཐཱན་ རོག་ཏེ་བ་ཀ་ ཡེག་པ་ད་བུ་རང་ ཨ་ཝ༌ལ། ཨོ་ཉི་ཨ་དེན་གེ་ ཐི་ནོང་ནམ་ནིང་སག་པུ་བུ་ ཡ་ཧུ་དི་པ་བ་ཀ་པོང་ཀ་ ཨོ་ཐ་གཏམ་ཁེ་པ་ མང་པུ་དར་ཉི་དི་ཝ༌ཅ༎