ROMA 5 Popüler Kutsal Kitap Ayetleri

Paylaş

Ala Mungú inósuú kilá' sla'aarirós ngina laqán dirén i aleeró asma Kristo ina gwaá' as daandeemoorén qoomár atén tawa tlakuuse.

Nee haraxu'uti atén ti dae tlaqká. Asma sla'aarír Mungú kinga qaroó ku'uús baraá muneerén i aleeró nee Qeeruú hhoohhoó' oo Mungú, kudá' tinda aténií haniís.

Ala a har adoorí kiloseeká, ala an qwalaala/aán tam baraá slahh'amaayeero sleeme. Asma a xuaán slahh'amaaye gár ni huwahup a qiqtliingw. Nee qiqtliingw gár ni huwahuwi a muunuú gawít, nee muunuú gawít gár ni huwahuwi a haraxu'uti.

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo. Baraá Yesu Kristowo sleeme atén pa/aangw ugwa slawaán oo gurtleemuuwí nguwa i hardahaan. Atén hamí an baraá gurtleemuuwí wa iwiwiitaán. Slám atén a qwalaala/aán asma haraxu'utirén tidá' ta koomaan ar xirfuú Mungú kuwa slawaan.

Asma qoomár atén tawa múk tlakuuse, qoomaadá' Mungú aa qaás iwa bó/, Kristo iri gwaá' as daandeemaá múk tlakuuse.

Ala hamí atén taa gan'amuú i harafaár ar tseereerós. Gawaá adoorihe a ak ló'wa xuaán adór atén tar ba/amán ar inós dír sakwasleemár Munguhe.

Asma adoodá' mukdá' yaariír ira tlakuuse tleehhiít as dee/aanuú heé wák, adoorí sleeme an adoodá' mukdá' yaariír kur gan'amií harafaari as iialooeesár heedá' wák.

Ala a har adoorí kiloseká, ala atén Mungú un sa qwalaala/aán sleeme baraá Aakoorén Yesu Kristowo, kudá' atén taa dír Mungú haraki/is.