Salm 139 Popüler Kutsal Kitap Ayetleri

Dw i’n dy foli di, am fod dy waith di mor syfrdanol a rhyfeddol! Mae’r cwbl rwyt ti’n ei wneud yn anhygoel! Ti’n fy nabod i i’r dim!

Archwilia fi, O Dduw, i weld beth sydd ar fy meddwl; treiddia’n ddwfn, a deall fel dw i’n poeni. Edrych i weld a ydw i’n gwneud rhywbeth o’i le, ac arwain fi ar hyd yr hen lwybr.

Ti greodd fy meddwl a’m teimladau; a’m plethu i yng nghroth fy mam.

Roeddet ti’n fy ngweld i cyn bod siâp arna i! Roedd hyd fy mywyd wedi’i drefnu – pob diwrnod wedi’i gofnodi yn dy lyfr, a hynny cyn i un fynd heibio!

O ARGLWYDD, rwyt ti’n fy archwilio i, ac yn gwybod popeth amdana i.

Ble alla i fynd oddi wrth dy Ysbryd? I ble alla i ddianc oddi wrthot ti?

Ti’n gwybod pryd dw i’n eistedd ac yn codi; ti’n gwybod beth sydd ar fy meddwl i o bell.

Ti’n gwybod beth dw i’n mynd i’w ddweud cyn i mi agor fy ngheg, ARGLWYDD.

Ti’n cadw golwg arna i’n teithio ac yn gorffwys; yn wir, ti’n gwybod am bopeth dw i’n wneud.