Matíe 15 Popüler Kutsal Kitap Ayetleri

Paylaş

Wɔlɩ́ɛ́ ɩ̀ wlʋ́ɛ́ nyɔ neé a, ɔ́ duo a mnɩ́ ɩ́ wlʋ́ɛ́, ɩ́mɩ́ ɩ̀ ŋátɔɔ́. Nyumo bhobhoé, duo a mnɩ́ ɛ́ wlʋ́ɛ́, ɛ́mɛ́ súé nyɔ lé ɔ́ nie nyumoé, ɔ́ bhlá nyʋa, ɔ́ mʋ́mɔ ɔ lía a ŋwná, ɔ́ ŋwʋ́ɛ́ mɩɔ, ɔ́ nie kàpàkápá gbɩ, ɔ́ ghlíe, ɔ́ nie kpɔkpláŋwɔ̀nɩ̀srɩ̀lɛ, ɔ́ nie ɔ lía nyumoé, ɔ́ lúglule sáà nyʋa.

Lɛ́ɛ́ ɛ̀ mnɛ nyɔ neé a, ɛ́mɛ́ ɛ̀ nɩ́ ŋátɔɔ́, mà lɛ́ɛ́ ɛ̀ wlʋ́ɛ́ nyɔ neé a ɛ́mɛ́ ɛ̀ ŋátɔɔ́.»

Lagɔ anɩ́, nyʋaá lɩ̀à, cícíwɔlɩ mʋ́ á ŋwʋ́lɛ ʋ́ mɔ́ɔ, Mà á di wlʋ́ mɔ́ɔ gwá. Flɛ́flɛ sa á bʋbɔlɛ lɛ́ mɔ́ɔ. Ɩ́zà wɔlɩ́ɛ́ á cɩ́alɛ lɛ́ a, lé a tɔ̀ lɛ́ duo a, nyʋa a jràmá kʋ̀ʋ. »

Ŋwnɔ́ɔ́ cí saá a, Zozíi srʋ ɔ́ mà: «Siíya ŋwnɔ́ɔ̀, ààn sɩ́tɛ̀ nà fádùò a ghlímoé kʋʋ! Náa srʋɛ mɔ̀ mà wɔlɩ́ɛ́ ɩ̀ yrá a, Lagɔ yi mɔ̀ ɩ́mɩ́ nyɛ́.» Bhʋ́ á kʋ dáamúó lé ŋwnɔ́ɔ́ a ŋnɩ́keyʋɔ́ yalɩmaà.

Mà ŋwnɔ́ɔ́ yi lé ɔ́ sra Zozíi a drɩ̀ koti sá lé ɔ́ bhli ɔ́ bhɔ kʋ́, lé ɔ́ srʋ ɔ́ mà: «Kanyɔɔ̀, ɩ́bhìè yi mɔ́ɔ kʋ́!» Lé Zozíi srʋ ɔ́ mà: «Lelilɩɛ́ yúó na ká li a, a nɩ́ nyɩ́ɩ́ vʋ̀ʋ, ɩ nɩ́ námasa ŋwɔ́ɔ.» Ŋwnɔ́ɔ́ srʋ ɔ́ mà: «Aan, Kanyɔɔ̀, cícása ɩ̀ ŋwʋ́ɛ́, mà vʋ̀ʋ a kanyʋa nɩ li a, ɩ ŋányɩɛ́ ɩ̀ bhlile tébhleé zɔ̀ a, vʋ̀ʋ lií!»