Itanguriro 17 Popüler Kutsal Kitap Ayetleri

Paylaş

Aburamu amaze imyaka mirongo icenda n’icenda, UHORAHO aramwiyereka amubwira ati: “Ndi Imana Mushoboravyose; gendera imbere yanje mu bwizigirwa kandi ubeho ubuzima butagira umugayo.

Kandi kuva ubu ntuzosubira kwitwa Aburamu, uzokwitwa Aburahamu, kuko ndakugize sekuruza w’amahanga menshi.

Nzokomeza isezerano hagati yawe nanje no hagati yanje n’uruvyaro rwawe ribe isezerano ridahera, uko urunganwe ruzokurikirana n’urundi. Nzoba Imana yawe n’Imana y’uruvyaro rwawe.

“Iri ni ryo sezerano ngiranye nawe: nzokugira sekuruza w’amahanga menshi.

Imana iravuga iti: “Oya, Sara umugore wawe azokuvyarira umwana w’umuhungu, uze umwite Isaka. Nzokomeza isezerano ryanje na we n’uruvyaro rwiwe, ribe isezerano ridahera.

Igihugu cose c’i Kanani, ico ubamwo ubu nk’umunyamahanga, nzokiguha wewe n’uruvyaro rwawe kibe icanyu bwegu ibihe vyose, kandi nzobabera Imana.”

Nuko Aburahamu yikubita hasi yubamye, aratwenga yivugana mu mutima ati: “Mbe umuntu w’imyaka ijana nkanje yoba akivyara umwana? Mbe Sara yoba akivyara umwana amaze imyaka mirongo icenda?”

Hanyuma Imana ibwira Aburahamu iti: “Sarayi umugore wawe ntuzosubire kumwita Sarayi, kuva ubu uzomwite Sara.

Mutegerezwa gukebwa, kandi ico kizoba ikimenyetso c’isezerano ngiranye namwe.

Ariko isezerano ryanje nzorikomeza kuri Isaka, uwo Sara azokuvyarira igihe nk’iki mu mwaka uza.”

Uko urunganwe ruzogenda rukurikira urundi, umuhungu wese atagerezwa gukebwa amaze imisi umunani avutse, utibagiye n’abagurano bazovukira mu rugo rwawe canke abo uzogura amahera mu banyamahanga, abazoba batari abo mu ruvyaro rwawe. Baba abavukiye mu rugo rwawe canke abo waguze amahera, bose bategerezwa gukebwa. Imibiri yanyu izogaragarako icerekana isezerano ryanje ridahera.