1 Јован 2 Popüler Kutsal Kitap Ayetleri

Paylaş

Немојте да го сакате овој свет и она што тој ви го нуди, зашто ако го сакате овој свет, во вас нема љубов спрема небесниот Татко. Тоа што го нуди светот: телесните похоти, желбата да се има се што ќе се види, гордоста заради богатството што се поседува - не е од небесниот Татко, туку од овој свет.

А овој свет и световните похоти се краткотрајни; само оној што ја исполнува Божјата волја останува вечно.

Оној што тврди дека е Божји човек, треба да го следи примерот на Исус.

Чеда Божји, ова ви го пишувам за да не грешите. Но, ако некој од вас направи грев, Го имаме праведниот Исус Христос, Кој се застапува за нас пред небесниот Татко.

Оној што тврди дека е Божји човек, а не се придржува до Неговите заповеди, тој лаже и само покажува дека вистината не е во него.

По што ќе се знае дека сме Божји луѓе? По тоа што ќе се придржуваме до Неговите заповеди!

Оној што тврди дека е на страната на светлината, а ги мрази другите христијани, тој се уште е на страната на темнината.

Значи, кој е лажливец? Секој што тврди дека Исус не е Месијата! Тие луѓе се антихристи и не Го прифаќаат ниту небесниот Татко, ниту Синот - Исус.

Секој што не го прифаќа Синот покажува дека не го прифаќа ни Таткото. А секој што го признава Синот во исто време Го признава и Таткото.