Wïlöölö 49 Popüler Kutsal Kitap Ayetleri

Paylaş

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

«Jocep otïmö na bat jaath mo kännö ki nyïëdi, na bat jaath mo kännö ki nyïëdi mo ena bäät pïï mo kwödö; ni bäädi moe olaa bäät kal. Nyïïmän moe mo ceŋge da jap leny akëëdö ki eni døc, ni thööcge eni ka athëëre, ni cwaatge yi gø døc.

'Ba gïr leny mare poot bëëdö ni ee maa ni teek ni kär dak cere, ni bääte ee maa ni teek ni cere rwäänhnhö ri leny; ni teege joode ka køør teek man wø cïp ŋata en teeki jïre, ni beeye Jwø Jeekap, eni na dïkwääy ni wø gwøk jø Icriel. Ï na Jocep, teek marï ojootï baŋ Jwøa näk Jwø wäru, Jwø wø køny ïïni, ni beeye Jwøa en teeki jïre ni wø gwïëth ïïni, na ŋato gwïëth ïïni ki gwïëth mo ööi ki maal, ki gwïëth mo käla piny thuwø; ni gwïëth ïïni ni jïtï ko obwöre ki lääc paac mo thööth.

«Ïïni na Juuda, ïïno pwøc nyïïmeru ki uutwäru; cerï oen bäät ŋut nyïïmännï. Nyïïmeru ki uutwäru wïthge okuulge piny nyïmï. Juuda rööma nyï ŋuu mo teek, ni caala ŋuu mo ö maal no ojäŋ ki rïŋö. Ena gääŋ, ni tïme kaamar ŋuu mo omøør piny. Ni bëëde kaamar ŋuu ma maath. ?Aŋø, aŋa ni ba lwäär ki man jiec gø?

«Nyie, Ruben, beeye ïïni na kanynya, ni bee ï teek mara, ni ïïna ŋata kwøŋa nywøl dïkwøŋ na näk wïth laaya. Ïïna jïtö ki wödö ki teek mo kaala wääta møga. 'Ba ïïna dhaanhø mo waŋŋi niï caala pïï; karï ba tïmö ni ena maal këët, kiper ïïna døny bäät cï wäru, ni päätï gø ki køør mana ciï baŋe.