Wïlöölö 32 Popüler Kutsal Kitap Ayetleri

Paylaş

Ni kö ŋatøgø, ni «Nyeŋŋï ba cwøl ni Jeekap këët, 'ba ocwøl ni Icriel, kiper ïïna ŋäbö ki Jwøk ni ŋäbï ki jiy thuwø, ni tïme ni käädhö ïïni.»

Køøre ŋatøgø aköö, ni «Wec aani na aa, kiper kar øw aløny ni cään.» 'Ba Jeekap aköö, ni «Ba løny ki man wiia ïïni niï aaï, këël mano gwïëthï aani.»

Køøre Jeekap adööŋ keere, ni ö dhaanhe mørri baŋe, ni ŋäpge ki gø këël mana ruu øwi.

Køøre Jeekap nyeŋ kaace acaae ni Peniël, kiper ena köö, ni «Aani Jwøk ki dëëre møn ajooda, 'ba jwïëya apiem.»

'Ba na jooti ya ŋatøgø ni ba løny jïre ki man bööt Jeekap, eni waŋ ocwii Jeekap agude, ni ö wäl Jeekapi ni pääe ki cuu moe, kanya ŋäpge.

Ni kö ŋatøgø jï Jeekap, ni «?Nyeŋŋï aŋa?» Ni kö Jeekapi, ni «Nyeŋŋa Jeekap.»

Kanyøgø ena pëëny Jeekapi, ni kööe, na «A kwaya ïïni ki man caanï nyeŋŋï jïra.» 'Ba ena köö, na «?Aperŋø ni pëënynyï nyeŋŋa en?» Ni ö ŋatøgø ni gwïëth Jeekap kaace.

'Ba aa na Jeekap, a paa dhaanhø mo orømø ki mëëyï ni wø ba jøøl, ka adïëri marï na nyoothï jïra, aani na näk laŋŋï. Aani dïkwøŋ naam Jördan en aŋøla naa käära athøra keere ki cera. 'Ba ennø, aana tïmö ni jïra da lwaae ariiø.

Kiper manøgø nø, këël dïcäŋi en, jø Icriel ba cämö ki läär moa en waŋ oŋannø, kiper ŋata ŋäbö ki Jeekap läär moa en waŋ ocwii Jeekap na en waŋ oŋannø agude.

Ni ö Jeekapi ni läme, ni kööe, ni «Wui Awuuö Jwøk, ï na Jwø kwara ma Eeberam ki wära ma Aydhak, ïïna cäänö ki aani ni kööï, ni ‹Ci døø pou baŋ tuuŋu; 'ba bëëtö marï otïïa ni beer.›

Ennø, a kwaya ïïni, Awuuö Jwøk, naa kønyï ki man wëëgï aani bødhø cer coka ma Icøø, kiper aana lwäyö ki gøøni, kiper kanymør eni öö jaak ni tuk aani ki mään ko obwöre.