Wïlöölö 22 Popüler Kutsal Kitap Ayetleri

Paylaş

Køøre Eeberam nyeŋ kanyøgø aput cwøl ni «Wuuö Jwøk cïpö,» kaawat man poot caani dïcäŋi en, ni «Bäät kïdi manøgø, Wuuö Jwøk cïpö yie.»

Ni kö Jwøki, ni «Ennø, lwør wäädï ma Aydhak na näk aciel keere, na mëërï ki gø, ni ciï ŋööm Möria; ni cïpï gø no olämi man wø waaŋ bäät kïdi aciel mano caana jïrï røk kïte moo en kaace.»

Ni kö nyïïatwielli, ni «Kär cerï ŋaapï bäät nyilaal; kär dee gïn mo tïïyï ki gø, kiper kawaane ennø møn, aŋääa niï lwäär ki Jwøk, kiper wäädï ma aciel keere kärï mänö ki aani.»

Ni kö Eeberammi, ni «Nyie wääda, Jwøk ki dëëre cïpö ki nyidiel mano waaŋ no olämi.» Køøre gena put aay na aciel karge riedi.

aana kööŋ ŋëëta keera ki man gwïëdha ïïni døc kiree, ni tïïa nyïïkwaayï nee nyaacge ni caala ceer mo maal, ni caala nyeŋ akwöny deŋ naama dwøŋ; ni ö nyïïkwaayï ni maanyge mïëc nyïïmänge. Ni ö wïth juurre mo bäät piny bëët ni gwïëdhi ki køør nyïïkwaayï, kiper mana leŋï dwøra.› »

'Ba na tïme na køør gïïögø bëët, Jwøk Eeberam apääre, ni kööe jïgø, ni «Nyie Eeberam.» Ni kö Eeberammi, ni «Aani en.»

'Ba nyïïatwiel maal mar Wuuö Jwøk acwötö ki maal ni kööe, ni «Eeberam! Eeberam!» Ni kö Eeberammi, ni «Aani en.»

Køøre nyïïatwiel maal mar Wuuö Jwøk, Eeberam acäŋ cwøllø ki maal ri rietge, ni kööe, ni «Mana caan Wuuö Jwøki beeye en, ena köö, ni ‹Kiper gïna tïïyï enøgø, ni kärï wäädï ma aciel keere mänö

'Ba na nø pïïcge kanya näk ocaan Jwøki, Eeberam atïïö ki gïn wø cïp olämi bääte kaace, ni peeth jenni na karge, ni twöc wääde ma Aydhak, ni pïël gø bäät gïn wø cïp olämi bääte bäät jenni maal.