മത്തായി 10 Popüler Kutsal Kitap Ayetleri

Paylaş

<<ഇദാ ണോഡി, സെന്നായിഗാദ് പട്ട്‌ക്കെ കൊറ്യാഡ്‌ഗണ സൊല്ലിബ്‌ഡ്‌റ പാസെ ണാന് ണിമാണ സൊല്ലിബ്‌ഡ്‌റെ. അദ്‌ണാലെ ണിമ്മ പാമ്പ്‌ണ പാസെ ബുദ്ദ്യുള്ളവാര്‌മ് സോറെ പക്കിന പാസെ കള്ളകവാഡ് ഇല്ലാത്തവാര്‌മ് ആയിര്‌ക്കുഡൊ.

തന്ന് ഉജുറുണ പേ്ണ്‌സ്യ ണോഡുറവാ് അദ്‌ണ കെ്ഡേസമാട്ടാ്. എന്ന് പേരിലി തന്ന് ഉജുറുണ പേ്ണ്‌സാത്തവാന്‌ക്ക് സാമി അദ്‌ണ കൊഡുക്കുവാ്.

സരിഗലണ കൊന്റ് ണിഗാല്‌കുട്ടിന കൊല്ല്യ മുഡ്യാത്ത ആള്‌ണ അഞ്ച ബേ്ഡ. അദ്‌ക്ക് ബഡ്ഡി സരിഗലണാമ് ണിഗാല്‌കുട്ടിനാമ് ണരഗാക്ക് ഇക്കി കൊല്ല്യ മുഡിരവാന അഞ്ചിരി.

എന്ന് പേരിലി എന്ത കജട്ട ബന്താല്‌മ് അദ്‌ണ താങ്കികൊണ്ട് എന്ന് പിന്ന്‌മേലെ ബര്യ മുഡ്യാത്തവാന്‌ക്ക്‌മ് എന്ന് സൊല്ലുപഡി ണഡാക്കവാ് ആയ മുഡ്യമാട്ട.

ഏവാനാറ്റ് <ണാന് ഏസുക്കുള്ളവാ്> എന്ത് ആള്‌ഗാദ് എദ്‌ക്ക സൊന്നാക്കി ണാന്‌മ് മേലോഗാത്തില്യ എന്ന് അപ്പാന്‌ദ് മുന്തുക്ക് <അവാ് എനാക്ക് ഉള്ളവാ്ത്തെ> എന്ത് സൊല്ലുവെ. ഏവാനാറ്റ് <ണാന് ഏസുക്കുള്ളവാനല്ല> എന്ത് ആള്‌ഗാദ് എദ്‌ക്ക സൊന്നാക്കി ണാന്‌മ് മേലോഗാത്തില്യ എന്ന് അപ്പാന്‌ദ് മുന്തുക്ക്‌മ് <അവാ് എനാക്ക് ഉള്ളവാനല്ല> എന്ത് സൊല്ലുവെ.>>

ണോയിക്കാറാര്‌ണ തെ്ള്‌സിരി, സത്തവാര്‌ണ ഉജുറേ്ത്തിരി, കുസ്‌ട്ട ണോയിക്കാറാര്‌ണ സുത്താപ്പാക്കിരി, കെ്ട്ടജാദിഗണ ഒയിപ്പിസിരി. ണിമാക്ക് ബെ്റ്‌ദെ കെ്ഡേത്താദ്‌ണ ബെ്റ്‌ദെ കൊഡിരി.

അദ്‌ണാലെ ണിമ്മ അഞ്ച ബേ്ഡ. എത്തിന്യൊ സ്‌ട്ടെ പക്കിഗണ ബ്‌ഡ എത്തറാഗൊ ബെലെപെറ്റവാര്‌ത്തെ ണിമ്മ.

<<ണാന് ബൂമിക്ക് ണിമ്മദി തര്യ ബന്തിര്‌ക്കെ എന്ത് ണിമ്മ ണെനേക്ക ബേ്ഡ. ണാന് ബന്താദ് അദ്‌ക്കല്ല ബാള് എജ്ജിസ്യാത്തെ.