Mátyuu 24 Popüler Kutsal Kitap Ayetleri

Paylaş

Byibî byi/chi byi-jê chwóó ḿbyí kyijé ńkyí banet chwóó kyi/chi kyi-bwa kyísí kyísí. Nké nang yeě mú o/cíp dyityém tata o-ribi nkuli kyikû, Osówo o/chi o-nyii ǎ.

Ne Bǎmpém ḿbén ḿbé Banong kyi-kim ne Butu ḿbú Osówo, ba/chi ba-sét kámbé ké ejíí emúmú wǎ kyitwóm ńkyí kángkáng banet, ne nkuli kyikû kâng o-kûfyi.

Ne ben ba/chi ba-kûjwo kyirime-byití ńkyí kii/fárâng běn ne bǎmpém to kyi-kim ne byití ḿbyí mbyi tete. Nké kû n̂g ejwo, *da n̂g ekédê ofong*. Azong-byěm ányi a-man a-chi, nké kyi*da/byí kyi/fu, nkuli kyikû-nkéré oo/fyi*.

Oshê ne oshê o/chi o-kûnwa ne barî, butu ne butu ba/chi ba-kûkye barî bunwa. Esong e/chi e-róng, ne esí e/chi e-náng kakânkakân ké kángkáng byikit. Kángkáng byěm ḿbyín mbyi wǎ mbwôp kashú-bubân ḿbú onyinyi mú o-kú o-bâ efwon.

Bubóng ne esí byi/chi byi-man, nké ejá ejí e/chi e-waa ne banyá.

Ké ebóng, banet chwóó ba/chi ba-bâ ké dyizîn ejí ba-kûsét ba/fu, me nké mu onet mú Osówo o/kúng ǎ butu, ne ba/chi ba-nîm banet chwóó.

Ba/chi ba-kám běn kâng ba-kye ba/fu, bakye běn busông, ba-ju běn. Ben ba/chi ba-kûsa kángkáng banet kafâ ké dyishí ejí. Banet chwóó ba/chi ba-zú abwô ké dyityém ebe efé ne me ké nkéré ámu. Mbé ba/chi ba-nîm barî, ba-sa ng kafâ to ne barî. Ányi kâng nké bamkpábé chwóó ḿbé badasét byisédéng ba/chi ba-byí ba-nîm banet chwóó.

Jisos o-faa kámbé o/fu, kû n̂g ebám byiko, ne *da n̂g echi ba-mîng onet nang obónge o-nîm běn*.

Ké bubwô ḿbún kâng, ben to ba-man ba-kyú ne byiko kpákpá kángkáng nkéré, ké ebóng, Wǎn mú Onet o/chi o-bâ ké nkéré mú ben ba*fí ba-tî ng achi*.

Kû n̂g ebám byiko enen kâng, ké ebóng, ben ba*fí ba-nyît ng dyicí ńdyí Otu Kyítá enen o/chi o-bâ*.

Nké onet o*fí nang obónge mú odanyît dyicí ándyi* nang ochíchí-nkéré ámu mú o/chi o-bâ*. Nang barím ḿbé banong ḿbé kyíbóng, nang Wǎn-Osówo baa*nyît*. Kyi*da/shwôm Bonchí ejí kǎnchí nké mu o-nyît ng*.

Ké ebóng, banet ḿbé ba/chi ba-kûsét kyisédéng ba/fu, mbé nké Osówo o/kúng kámbé butu, ne ḿbé ba/fu, mbé ba-chi i bamkpábé ḿbé badasét byiraa-Osówo, ba/chi ba-byí. Mbé ba/chi ba-kûtông biǐtí-akat ne byěm ḿbyí byidakaa banet byiko, eringe nyí badanîm banet ḿbé Osówo o/cá kámbé, â kyi-nwa ng echi.

Obê mú Wǎn mú Onet o/chi o-kyú wǎ ńkyí kyi/chi ké nkéré mú Núwa. Wǎ eringe nyí kyi/mû ne buce bu-sú bu-cít ejíí emúmú, banet ba/mû mbe ba-ryí i byiryíng, ba-jwáp ng bato. Banyinchéng ne banyinyi ba-bé ng barî, tata kyi-ba-ribi ké dyicí ńdyí Núwa o/nung ké ńsukyíkang. Nké banet ba/mû ba*fí ba-nyît ng ńkyí nkyi kyi-chi i* tata buce bu-sú bu-ba-jwoo kámbé ashí kángkáng. Éné nké kyi/chi kyi-kyú ké nkéré mú Wǎn mú Onet o/chi o-bâ.