Mátyuu 15 Popüler Kutsal Kitap Ayetleri

Paylaş

Nké byěm ḿbyí byidabyí ké ocím-onet byi-fím m ké dyityém. Azong-byěm ányi a-chi i onet o-firi onet mú bada ǎ eciring. Ké ebóng, kyibî-okabe ńkyí kyida ǎ echi o-ju onet, o-chi kyinam, ne karíng erí ne banet byiryibyiryi ne kajii ejii ne kyisédéng esét ne barî-banet ebîn kyi-fím m ké dyityém emen.

*Chí chwǒm ńkyí kyidanung onet ké ocím nké kyida ǎ echi o-firi onet mú bada ǎ eciring* nké ńkyí kyida ǎ ebyí ké ocím nké kyida ǎ echi o-firi onet mú bada ǎ eciring.

O/fu, Osówo o/fu, banet ḿbén ba-kyâ mě ofê ké ejá éja, nké atyém ebe nyi byikit byikíri. Mbé mbe ba-fâ mě dyikáá, ké ebóng, mbé mbe ba-tángê e byije ḿbyí banet ba/chi wǎ me nké n/chi kámbyí.

Jisos o-faa ǎ kâng o/fu, wo a-chi i onyinyi mú o/fé dyityém emen ne me ńdyí dii*nwa eri*. Ńkyí amu a-ryuu ng kyi/chi kyi-chi kyi-kye ǒ. Ne ké abe ányi, wǎn emen o-waa o-nyange.

Ké nkéré mú Jisos o/raa ńkyín, onyinyi ámu o-bâ o-ba-myii ǎ ké byiká. O-raa o/fu, chwáp mě, ǎ bonchí. Jisos o-faa o/fu, kii*nwa ńkyí badakúng byiryíng ḿbyí boǒbwásíng ba-pwó bubyî*. Onyinyi ámu o-faa to o/fu, nkyi éné, ǎ bonchí. Nké nang bubyî bu-ryí i ekén-byiryíng nyí edafím ké ókpákpúrúk-byiryíng mú bonchí ebe e-róng kyísí.