Yohana 17 Popüler Kutsal Kitap Ayetleri

Paylaş

Wuwasiwanulile mu mbeka, inghani yako yo mbeka.

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

“Hamba si nghuwalombela wawa du, langa nghuwalombela wose wono wonyihuwila ku soko ye zinghani zawo. Nghuwalombela wose ho wawe cinhu cimonga. Baba, nghulomba wawe muli sese, nha vyono cinha nagwe, Baba, agwe wuli muli nene, nane nili muli gwegwe. Nghulomba wawe cinhu cimonga, we yinze ho wehuwile vyono yo gwegwe mono wanhuma.

Si nghulomba wuwawuse mononze, langa wuwacitile kuli ayulya u Mubi.

Nane niwapela u lukumyo lono wamhela, ho wawe cinhu cimonga, nha vyono ase cili yumonga, ane niwe muli wene, nagwe wuwe muli nene, nghulomba ho wakwilanicizwe no kuwa cinhu cimonga, we yinze ho wamanye vyono yo gwegwe wanhuma, na vyono wukawenda wene nha vyono wunyendile ane.