Abharuumi 14 Popüler Kutsal Kitap Ayetleri

Ko bhoora Obhokama ubhwa Waryobha, tokorya handë ukunywa hë, kasi no-kokora amangʼana agha heene, okobha na omorembe, na ukushomerwa, ghayö nku-Mwika Ömöhörëëru ghakurwa. Mbe, hano ömöntö akörëëyë igho Yëësu Kiristo, uyö nkötëghërya arë Waryobha, kora abhantö nkumwikërrya bharë.

Hano törëngë bhahöru, öbhöhöru ubhwëtö bhobhe ko okoghera iya okokorra Omonene Yëësu Kiristo emeremo. Na hano twakwa, tukwe ko okoghera iya Omonene Yëësu Kiristo. Ku bhuyö ntokaabha bhahöru handë igha ntokaakwa, bhëëtö na-bhaaye törë.

Mbe, ku bhuyö ni-igha, tokorenga amangʼana ghano ghakoreeta omorembe mo-bhantö, na agha okotoghekana.

Ku bhuyö ni-igha, tutighe okotemana amasoro, kora totakaakora kyokyonswe igho, keno keraakore umukumya murikyëtö aituuretuure, handë ikya okoghera akore ëbhëbhë.

Amaandeko Amahörëëru gharaghamba igha, “M-maheene, Omonene Waryobha araghamba igha, ‘Kera ömöntö narentemera hansë ibhiru, kera ömöntö narinkumya ko bhoghambi ubhwaye umwene.’” Ku bhuyö ni-igha, kera ömöntö mö-bhëëtö, nareghamba ku-Waryobha amangʼana aghaaye umwene.

Mwikërringa nyamukumo mötëntëëru, motakaanyerana senkaani ko amangʼana agha umukumo ughwaye.

Uwe toona ubhwera ubhwa okobhotorra ikiina ömököri uwa emeremo uwa ömöntö uwöndë. Omonene uwaaye we amanyirë nyoore ömököri uwaaye uwa emeremo asarri, handë igha tasarri hë. Na ömököri uwa emeremo uyö, noraanyoore akörrë kya bhoora ikutunwa, ko bhoora Omonene Yëësu Kiristo naana obhotoro ubhwa okomokora akore bhono Yëësu Kiristo umwene akutuna.