तितस 1 Popüler Kutsal Kitap Ayetleri

Paylaş

तिंयां झ़ुठी गूरू बोला इहअ कि हाम्हां का आसा परमेशरो थोघ, पर तिन्‍नें काम अर बभारा करै जाआ थोघ लागी कि तिन्‍नां का निं परमेशरो थोघ आथी। किल्हैकि तिंयां आसा च़िल़्हखरै अर इहै ज़ुंण परमेशरो हुकम नांईं मंदै। तिंयां निं कोई भलअ करी सकदै।

ज़ै कुंण पाप करनअ नांईं च़ाहे अर पाप करने सोठ नांईं आथी, तै आसा तेऊ मणछा लै सोभै गल्‍ला भली। पर ज़ै कुंण बूरअ आसा अर ईशू दी विश्वास निं करदअ, तेऊए साबै निं किछ़ै च़ीज़ शुची आथी। किल्हैकि तिन्‍नें मन्‍न अर सोर आसा दुहै भ्रष्ट हुऐ दै।

तेऊ लागा तिन्‍नां सत्ता दी पाक्‍कअ विश्वास करनअ ज़ुंण हाम्हैं आसा खोज़ी दी अर तेते ई साबै आपणीं ज़िन्दगी बी ज़िऊए, ताकि तेऊ भाल़ी होर लोग बी तेही ई ज़िन्दगी ज़िऊए अर ज़ै कुंण एऊ साबै ज़िन्दगी नांईं च़ाहंदै तिंयां बी लोल़ी समझ़ाऊई ज़ाणैं।

किल्हैकि ज़ुंण मसीही टोलीओ सैणअ आसा सह आसा परमेशरे घअरो भढारी। तेऊ लै आसा ईंयां गल्‍ला ज़रूरी कि सह लोल़ी नर्दोश हुअ, सह नां हठी अर नां धखी का रोश्श करनै आल़अ लोल़ी हुअ। सह नां शराबी अर नां हर बगत च़िखणैं आल़अ लोल़ी हुअ अर नां सह ढब्बै-धेल्‍लैओ मांण करनै आल़अ लोल़ी हुअ। तेऊ लोल़ी आपणैं घअरै एछणैं आल़ै प्राहुंणैंओ अदर किअ, सह लोल़ी इहअ ज़ुंण होरी लोगा लै भलअ करनअ च़ाहा। सह लोल़ी सोभी गल्‍ला दी सबर करनै आल़अ अर धर्मीं हुअ। सह लोल़ी इहअ पबित्र हुअ ज़हा सोभै मना, तेऊ लागा आपणैं दिले भाअ हर बगत आपणैं बशै डाहणैं।

टोलीए सैणें लोल़ी नर्दोश ज़िन्दगी हुई। सह लोल़ी आपणीं लाल़ी लै शुचअ-पाक्‍कअ हुअ अर तेऊए शोहरू-माठै लोल़ी विश्वासी होए अर आपणैं ईज-बाबे हर गल्‍ला मना अर तिन्‍नों लोल़ी सोभी मांझ़ै भलअ नाअं हुअ।