प्रकाशन 22 Popüler Kutsal Kitap Ayetleri

Paylaş

“हुंह आसा आदी अर अंत आप्पै।”

प्रभू ईशू बोलअ इहअ, “भाल़ हुंह आसा छ़ेक्‍कै एछणैं आल़अ, अर हरेकी लै आसा मुखा तेऊए कामें साबै फल।

परमेशरे आत्मां अर मिम्मूंए लाल़ी बोला ईशू लै, “ताह हुअ एछणअ।” ज़ुंण बी इना गल्‍ला शूणां सह बी लऐ बोली, “एछ!” तिंयां सोभै ज़ुंण बी नचिशै होए सह झुटै तेऊ पाणीं मुफ्त ज़ुंण ज़िन्दगी दैआ।

परमेशरा दैणीं तिन्‍नां लै बर्गत ज़ुंण आत्मिक रुपा दी शुचै हणां लै आपणैं झिकल़ै धोआ, किल्हैकि तिन्‍नां भेटणअ नगरीए प्रऊल़ी बाती भितरा लै एछणेंओ हक। तिन्‍नां तेऊ बूटा का फल़ा खाणेंओ हक बी भेटणअ ज़ुंण ज़िन्दगी दैआ।

ईशू बोला आपणैं सोभी लोगा “हेरा, हुंह आसा छ़ेक्‍कै एछणैं आल़अ, परमेशरा दैणीं तिन्‍नां लै बर्गत ज़ुंण ऐहा कताबा दी प्रगट किऐ दै समादा दी धैन दैए।”

तेखअ निं कधि राच पल़णीं। ज़ुंण लोग तिधी रहा तिन्‍नां निं प्रैश्शै लै दीऐ ज़ाल़णे ज़रुरत आथी। नां तिन्‍नां प्रैश्शै लै सुरज़े ज़रुरत आथी। किल्हैकि तिधी आसा परमेशर आप्पै ज़ुंण लोगा लै प्रैश्शअ दैआ। तेखअ ज़ुंण लोग तिधी रहा तिन्‍नां करनअ जुगै-जुगै राज़।

ज़ुंण इहअ बोला कि ईंयां गल्‍ला आसा शुची, सह ईशू बोला इहअ, “हाँ हुंह आसा छ़ेक्‍कै एछणैं आल़अ!” हुंह जोहन्‍ना बोला बापस, “एवमस्तू। हे प्रभू ईशू छ़ेक्‍कै एछ।” हुंह करा परमेशरा का अरज़ कि म्हारै प्रभू ईशूए झींण लोल़ी सदा तम्हां सोभी लै हुई। एवमस्तू।

हुंह जोहन्‍ना दैआ तिन्‍नां सोभी लै चतैनगी ज़ुंण मेरी ऐहा कताबा दी प्रगट किई दी गल्‍ला शूणां, ज़ुंण मंऐं पैहलै ई आसा लिखी दी, ज़ै कुंण आपणीं बाखा एथ किज़ै ज़ोल़े, परमेशरा दैणीं तिन्‍नां लै सारी खरी पाई सज़ा ज़ुंण ऐहा कताबा दी आसा लिखी दी। पर ज़ै कुंण ऐहा कताबा दी प्रगट किई दी गल्‍ला का किज़ै घट करे, परमेशरा करनअ तेऊ ज़िन्दगी दैणैं आल़ै बूटा का तेऊओ हेस्सअ दूर ज़ुंण पबित्र नगरी आसा, ज़ेते बारै ऐहा कताबा दी आसा लिखअ द।