प्रकाशन 12 Popüler Kutsal Kitap Ayetleri

Paylaş

“तिंयां ज़ितै राख्सा का मिम्मूंए लोहूए शगती करै ज़ुंण हाम्हां पापा का बच़ाऊंणे तैणीं बल़ीदान हुअ, अर तिन्‍नैं हारअ सह राख्स, मिम्मूं सेटा प्राश्त करी अर इहअ मनी कि सह मिम्मूं आसा तिन्‍नों प्रभू। “तिन्‍नैं निं आपणीं ज़िन्दगी लै बी झ़ूरी किई, अर तिंयां निं मौता का बी डरै।

तेखअ शूणअ मंऐं स्वर्गै ज़ोरै इहअ बोल्दअ, “ऐबै गअ म्हारअ परमेशर ज़िती! “ऐबै करनअ तेऊ आपणीं शगती करै, राज़! “ऐबै हणअ तेऊए मसीहो हक संसारै प्रगट! “ज़ुंण म्हारै भाई-बैहणी लै राची धैल़ी परमेशरा सम्हनै दोश लाआ त, सह राख्स निं आजू परमेशरा सम्हनै रही सकदअ, “सह शोटअ धरनीं पृथूई दी।

सह दानअ अर तेसे दूत शोटै स्वर्गा का पृथूई लै। सह बडी दानअ आसा सह ई सह निखल़ी ती पैहलै जुगै बी ज़हा लै राख्स अर दोशी बी बोला। अह आसा सह ई ज़ुंण एऊ संसारे मणछा कबाता पांदअ आसा लागअ द।

“तैही बोला हुंह, हे स्वर्गे अर स्वर्गै रहणैं आल़ैओ, खुश हआ! “पर हे पृथूई, हे समुंदर, तम्हां लै आई आफ़त! “राख्स होथअ तम्हां सेटा लै बडै रोश्शा संघै, “किल्हैकि तेऊ का गअ थोघ लागी कि तेऊ का बच़अ ऐबै थोल़अ बगत।”

तेखअ हुई स्वर्गै घोर जुध, मिकाईल ज़ुंण परमेशरो एक प्रधान स्वर्ग दूत आसा, सह अर तेऊए सैना डेऊऐ तैहा दानुईं संघै जुधा करदै अर तैहा बडी दानुईं अर तैहा दानुईंए दूतै किअ मिकाईल स्वर्ग दूत अर तेऊए होरी स्वर्ग दूता संघै जुध।

तैहा बडी दानुईं आई तैहा बेटल़ी लै बेघै खास्सी रोश्शै संघा सोठअ तैहा दानुईं कि तैहा बेटल़ीए बाकी लुआदा संघै जुध करे। ईंयां आसा तिंयां मणछ ज़ुंण परमेशरो हुकम मना अर असली दी तिन्‍नां शिक्षा दी पाक्‍कै रहा ज़ुंण ईशू आसा खोज़ी दी।

तेखअ शुझुअ मुखा सरगै एक रहैन करनै आल़अ नछ़ैण। सह थिअ इहअ कि एक बेटल़ी आसा ज़ोथा प्रैंदै खल़्हुई दी अर तैहा तै सुरज़ा ज़िहै झिकल़ै पल़ेटै दै अर तेसे मुंडै बारा तारैओ मुगट लागअ द। सह बेटल़ी ती सुंदी अर तेसे तै सूंणें धैल़ै सिक्‍कै दै अर सह थिई सूंणें दाह करै दांदा पिशदी अर लैल़ा लांदी लागी दी।

तेखअ दैनअ तैहा बेटल़ी एकी शोहरू लै ज़ल्म पर सह निं तैहा दानुईं खाई किल्हैकि सह शोहरू छ़ड़ैऊअ तेभी तिधा का पोर्ही अर सह पजैल़अ परमेशर अर तेऊए राज़गाद्दी सेटा। तेऊ शोहरू करनअ लोहे शोठै लई सोभी संसारे सोभी लोगा प्रैंदै राज़। सह बेटल़ी ठुर्ही तेऊ घणैं बणां लै ज़िधी परमेशरै तैहा लै एक ज़ैगा ती बणाईं डाही दी, कि तैहा तिधी एक हज़ार दूई शौ शाठी धैल़ै तैणीं धाची-पाल़ी सके।

तेखअ शुझुअ स्वर्गै एक होर नछ़ैण, हेरा, मुखा शुझुई एक बडी दानअ, तेसे तै सात मूंड अर दस शींग, अर तेसे मुंडै तै सात राज़ मुगट। तैहा बडी दानुईंए लिंघणैं पाऐ सरगा का तारैओ चिऊथअ निसब पृथूई लै खिंच़ी। सह दानअ ती तैहा बेटल़ी सम्हनै खल़्हुई दी ज़ुंण सुंदी थिई। कि ज़ेभै सह शोहरू लै ज़ल्म दैए, तेभै पाणै तैहा तिंयां घुटी।

अर तैहा बेटल़ी लै दैनै गरली ज़िहै दूई बडै-बडै फैंख कि तैहा दानुईं नदरी का डैअ दैई शुन्‍नैं रेगीस्ताना लै डेओए ज़िधी परमेशर तैहा साढै चिई साला तैणीं डाहे। तैहा दानुईं छ़ाडी आपणीं खाखा का तैहा बेटल़ी पिछ़ू समुंदरा ज़िहअ बडअ पाणींओ दरैअ कि तेऊ दरैऊआ करै तैहा उंधै घ्रोहल़े। पर पृथूई किई तैहा बेटल़ीए मज़त, अर आपणीं खाख खोल्ही करै झुटअ सह पाणींओ दरैअ ज़ुंण तैहा बडी दानुईं आपणीं खाखा का छ़ाडअ त।