लूका 23 Popüler Kutsal Kitap Ayetleri

Paylaş

तेखअ बोलअ ईशू, “हे बाब, इना कर माफ, किल्हैकि इना का निं थोघै कि ईंयां किज़ू करदै आसा लागै दै?” संघा तिन्‍नैं सपाही बांडै आप्पू मांझ़ै परच़ी पाई तेऊए झिकल़ै।

ईशू बोलअ तेऊ लै, “हुंह खोज़ा ताखा सत्त कि तूह हणअ आझ़ ई मुंह संघै स्वर्गे।”

तेखअ बोलअ तेऊ, ए ईशू, “ज़ेभै तूह आपणैं राज़ एछे, तेभै डाहै मेरअ बी खैल।”

तेखअ बोलअ ईशू ज़ोरै लैल़ पाई इहअ, “हे बाबा, मंऐं छ़ाडी आपणीं ज़िन्दगी तेरै आसरै।” इहअ बोली शोटै तेखअ ईशू प्राण।

ज़ांऊं तिंयां तैहा ज़ैगा पुजै, ज़िधा लै खोपल़ीए ज़ैगा बोला, तिन्‍नैं तिधी तिंयां कदुष्ट कामां करनै आल़ै दूई डाकू बी एक दैहणै अर एक बाऊंऐं क्रूसा दी छ़डाऊऐ।

दपहरा पोर्ही चिऊथै पहरै तैणीं रहअ तेऊ देशै घोर न्हैरअ हई अर उडै तैणीं रही ज़ेही राच पल़ी। सुरज़ डुबअ अर परमेशरे भबनै लाअ द पल्दअ धेल़्हुअ प्रैंदा का थाल्‍लै तैणीं दूई बाखा लै।

एकी सुबैदारै तेऊ सम्हनै तिधी ज़ुंण हुअ तेता भाल़ी किई परमेशरे ज़ै-ज़ैकार संघा बोलअ, “ज़रूर अह मणछ त धर्मीं।”