इब्रानी 1 Popüler Kutsal Kitap Ayetleri

Paylaş

सह शोहरू ई आसा तेऊए प्रतप्पो प्रैश्शअ अर सह तेऊ ई करै लागा हाम्हां का थोघ कि परमेशर किहअ महान आसा, सह आसा हर गल्‍ला दी तेऊ ई ज़िहअ अर तेऊए बैणा दी आसा एही शगती कि सारअ भ्रमंड रहा तिहअ ई काम करदअ लागी ज़िहअ सह आसा, तेऊ किऐ मणछे पाप दूर अर तेखअ बेठअ सह स्वर्गै सर्वशक्तिमान परमेशरे दैहणीं बाखा सोभी का बडी पदबी दी।

पैहलै जुगै किई परमेशरै म्हारै दादा-बाबा का कई बारी भांती-भांती करै आपणैं गूरा बाती गल्‍ला, एऊ जुगै किई तेऊ इना खिरीए धैल़ै हाम्हां संघै परमेशरै आपणैं पूता बाती गल्‍ला। परमेशरै बणाईं सोभै गल्‍ला तेऊ ई करै। तैही किअ परमेशरै इहअ बच़ार कि सह ई बणाणअं खिरी ऐबै इना सोभी गल्‍ला दी मालक।

तै स्वर्ग दूत किज़ै काम करा? तिंयां आसा परमेशरे च़ाकरी करनै आल़ै। परमेशर छ़ाडा तिन्‍नां स्वर्ग दूता तिन्‍नें हेर-सभाल़ करदै ज़हा मणछा उद्धार भेटा।

सह बोला पूता लै इहअ बी, “हे प्रभू सोभी का आजी बणाईं तंऐं ई पृथूई अर सारअ भ्रमंड बणाअं तंऐं आपणैं हाथै। धरती संघी सारअ भ्रमंड हणैं एकी धैल़ै खतम पर तूह रहणअ सदा, तिंयां सोभै हणैं झिकल़ै ज़िहै पराणैं।