कुलूस्सी 1 Popüler Kutsal Kitap Ayetleri

Paylaş

किल्हैकि तेऊ ई छ़ड़ैऊऐ हाम्हैं न्हैरै दी काम करनै आल़ी राख्से शगतीए बशा का अर तेऊ पजैल़ै हाम्हैं आपणैं पैरै पूते राज़ा दी।

किल्हैकि सह मसीहा ई त परमेशरा संघै सोभी गल्‍ला बणाणैं आल़अ, स्वर्गै या पृथूईए, भाल़ी दी होए या नांईं भाल़ी दी होए, कै राज़गाद्दी, कै राज़, कै गुप्त संसारे शगती। सारी च़िज़ा आसा तेऊ करै अर तेऊए ई अदर करना लै बणाईं दी।

सोभी च़िज़ा बणाणैं का आजी त मसीहा, अर सोभै च़िज़ा रहा तेऊ ई दी कठा काम।

हाम्हैं निं परमेशरा भाल़ी सकदै, पर ज़ांऊं मसीहा ईशू मणछ देही लई, तेऊ भाल़ी लागअ हाम्हां का थोघ कि परमेशर किहअ आसा किल्हैकि मसीहा ईशू आसा परमेशरा ई ज़िहअ। सह आसा सोभी का ज़ेठअ, तेऊ बाद ज़ेतरी बी गल्‍ला परमेशरै बणाईं, सह आसा तिन्‍नां सोभिओ मालक।

तैही ज़हा धैल़ी ओर्ही हाम्हैं अह शूणअ, हाम्हैं करा हर बगत तम्हां लै प्राथणां कि परमेशरे आत्मां तम्हां लै अक्ल अर समझ़ दैए अर तम्हैं ऐहा गल्‍ला समझ़े कि परमेशरे मरज़ी किज़ै आसा, ताकि थारअ च़ाल-च़लण प्रभू जोगी होए, अर तम्हैं सोभी गल्‍ला दी परमेशरा खुश करी सके, अर तम्हां दी सोभी रंगे भलै कामों फल़ लागे, अर तम्हां का परमेशरे बारै होर बी खास्सअ थोघ लागे।