बिधाता बोला इहअ,
“एक बगत एछणअ, थारै खेचै हणीं साल-फसल खास्सी,
फसल निं लऊई मुक्कणैं कि तेतरी जाणअ खेचा बाहणां लै हल़ ज़ुंडी,
अज़ी निं बऊई बी मुक्कणैं कि तेतरी जाणी दाख पाक्की रस काढणा लै हई।
धारा हणीं मिठै दाखे रसे ट्रिहुंणीं लागी दी अर धारठी हणअ रस निटरदअ लागअ द।
मुंह आणनीं परज़ा इज़राईली तिन्नें आपणैं घअरा लै फरेऊई।
तिन्नां च़िणनी आपणीं उज़र पल़ी दी नगरी भिई, संघा बस्सणै तिधी,
तिन्नां लाणैं दाखे बाग संघा झुटणअ दाखो रस रज्ज़ी।
तिन्नां पज़ेरनै बाग-बगिच़ै संघा खाणैं तेते फल़।