2 पतरास 2 Popüler Kutsal Kitap Ayetleri

Paylaş

ईंयां सोभै गल्‍ला किई परमेशरै पैहलै जुगै हाम्हां का ऐहा गल्‍ला रहैऊंणा लै कि परमेशरा करनी ज़रूर तिन्‍नां लोगे फाज़त ज़ुंण धर्मीं ज़िन्दगी ज़िऊआ। पर कदुष्ट मणछ डाहणैं तेऊ सज़ा दैणा लै नसाफ हणें धैल़ी लै बच़ाऊई।

तिन्‍नां लै हणीं ती अह गल्‍ल भली कि तिन्‍नां का ऐहा गल्‍लो थोघ ई निं हंदअ कि धर्में बाता केही ज़िन्दगी लागा ज़िऊंणीं। पर परमेशरा दैणीं तिन्‍नां लै होर बी खास्सी सज़ा किल्हैकि तिन्‍नैं निं परमेशरे तिंयां पबित्र गल्‍ला मनी ज़ुंण हाम्हैं तिन्‍नां सेटा पजैल़ी। ज़ेऊ साबै तिंयां बभार करा, तेऊ साबै आसा गल्‍ल शुची ज़िहअ लोग बोला, “तिंयां आसा कुक्‍करा ज़िहै ज़ुंण हुकरी करै तेता च़ाटदअ भिई डेओआ” अर “तिंयां आसा सुंगरा ज़िहै ज़ुंण न्हैऊई-धोहुई बी च़िक्‍करै ई जैंदरा लै डेओआ।”

तिंयां झ़ुठै गूरू बोला लोगा लै इहअ कि ज़िहअ तम्हैं च़ाहा तिहअ करना लै आसा तम्हैं आज़ाद। तिंयां आसा आप्पू ई गलामा ज़िहै किल्हैकि तिन्‍नों पापी सभाब करा तिन्‍नां पापी कामां करना लै मज़बूर। तम्हैं हआ तेते गलाम ज़ुंण च़ीज़ तम्हां काबू करा।

लोग हआ संसारे बूरी गल्‍ला का दूर ज़ेभै तिंयां ईशू मसीहा आपणअ प्रभू अर उद्धार करनै आल़अ मना। पर ऐबै पल़ै तिंयां भिई इना कदुष्ट कामां दी अर ईंयां कदुष्ट काम करा तिन्‍नां काबू। ऐबै हुई खिरी तिन्‍नें एही हालत कि तिन्‍नैं हेरअ मसीहा छ़ाडी अर ज़िहै तिंयां विश्वास करनै का आजी तै, तिन्‍नें हुई तेता का बी बूरी दशा।

ज़िहै खास्सी साला पैहलै झ़ुठै गूर निखल़ै तै, तिहै ई निखल़णैं झ़ुठै गूरू तम्हां मांझ़ै। तिन्‍नां पाणै लोग झ़ुठी शिक्षा करै मसीहा दी विश्वास करनै का कबाता। तिन्‍नां झ़ुठी गूरू निं ईशू मसीहा आपणअ मालक मंदै ज़ुंणी तिंयां पापे शगती का आज़ाद किऐ। इहअ करै हणैं तिंयां आप्पू ई नभैऊशै बरैबाद।