Baloma 8 Popüler Kutsal Kitap Ayetleri

Paylaş

Kayi tulizi kuti Leza zintu zyoonse uzyeenzya kabotu kulibaabo bamuyanda, nkokuti kulibaabo mbaakaita mumakanze aakwe.

Nkaambo ndisinizizye kuti taakwe cintu cikonzya kutwaandaanya kuluyando lwa Leza. Niluba lufu, nibuba buumi, nibaba bangelo, nibaba basimalelo, niziba zintu zyasunu naa ziciyooboneka, niziba zyanguzu zili buti, niziba zintu zyakujulu niziba zyaansi aano, niciba cilenge cili buti coonse, taakwe cintu niciba comwe cikonzya kutwaandaanya kuluyando lwa Leza ndotujisi muli Kilisito Jesu Mwami wesu.

Mbuli mbotuzi, Muuya ulatugwasya. Tuli bateteete, tatuzi mbotweelede kukomba. Ncenciceeco Muuya ncuutukombela kuli Leza, kukombelezya amajwi aataambiki.

Ino twaambe buti amakani aaya? Naa Leza kali aandiswe, ino nguni uukonzya kutulwana?

Lino taakwe mulandu kulibaabo basyoma muli Kilisito Jesu.

Kubikka moyo azintu zyaansi ndufu, pele kubikka moyo kuli zeezyo ziyanda Muuya ciletela buumi aluumuno.

Nitupenga boobo, masimpe tulizundide nkaambo ka Kilisito uutuyanda.

Ino mapenzi ngotujisi mazuba aasunu ninzi kweelanya abulemu Leza mbwayootuyubunwida!

Nguni uukonzya kutwaandaanya kuluyando lwa Kilisito? Sena mapenzi naaba makatazyo, ambweni mafwabi, niiba nzala, nibuba bucete, niziba ziyoosya, nikuba kujaigwa?

Nkabela Leza uuzi zyamumyoyo yabantu ulizi kale nzyakombelezezya Muuya. Nkaambo Muuya ukombela bantu ba Leza mbuli buyanda Leza.

Nkaambo aabo boonse basololelwa a Muuya Uusalala mbana ba Leza.

Nkaambo bantunsi bayanda zyaansi, pele aabo basololelwa a Muuya babikka myoyo yabo ali zeezyo ziyanda Muuya.

Leza wakasanga Mwanaakwe mwini, nkabela wakamwaaba nkaambo kesu. Ino inga wakacilwa buti kutupa zintu zyoonse antoomwe anguwe?

Muuya mwini ulazuminana amyoyo yesu noiti tuli bana ba Leza. Lino kuti katuli bana ba Leza, tuyootambula cikono, iiyi cikono cizwa kuli Leza, uyootukonya antoomwe a Kilisito. Kufumbwa kuti katupenga mbuli Kilisito, tuyootambula bulemu mbuli bwakwe.

Babikka myoyo kuli zyaansi mbaasinkondonyina Leza. Tabateeleli Mulawo wa Leza, masimpe tabakonzyi.

Zilenge zyoonse zilisukeme kulindila kuyubununwa kwabana ba Leza.

Tulizi kuti kusikila sunu zilenge zyoonse zilapenga maciswe mbuli mukaintu naamyongwa.