Matayo 2 Popüler Kutsal Kitap Ayetleri

Paylaş

Na kelomiata otogo, koanyunete ikoku ka toto keng' Maria. Kosodete akukokin kaluronokin nesi. Na keng'arata icwei kes, kosodete ainakin nesi idutan: Esawabu, epulaket ka emira.

Na edounere Yesu ko Beteleem ko Yudea, kerait Erode ejakait. Kolomutu itung'a luka acoa ko kide abunore Yerusalem king'isete ebe, “Waali ejii ejakait ka Iyaudin lo edoun? Naarai aanyutu siong' akanyerete keng' elomuni ko kide. Abutu siong' akimaa nesi.”

Nape kaanyunata akanyeret, abutu kolakarosi noi.

Kedau Akuju akikwenyar kesi koruja ebe mam abong'or nama ka Erode, kosodete kesi abong'or akwap kes koroto kece. Kedautu kesi alomar, kosodi emalaikat ka Lokapolon abunore nama ka Yosef koruja kalimokin nesi ebe, “Konyou, kirum ikoku ka toto keng', komotarosi Misiri. Kideunosi kang'ina akitodol nama kalimokina eong' osi alomar; naarai ebuut Erode akote ikoku akiyara.”