AGALATIA 5 Popüler Kutsal Kitap Ayetleri

Paylaş

No maciaro ma Roho nĩmo maya, nĩ wendani, na gĩkeno, na thayũ, na gũkirĩrĩria, na gũtugana, na gwĩkana wega, na kwĩhokeka, na kũhorera, na kwĩgirĩrĩria merirĩria ma mwĩrĩ: macio-rĩ, gũtirĩ watho wa kũgiria mekagwo.

Na ningĩ nguuga atĩrĩ, thiagai mũtongoretio nĩ Roho, na mũtigeka maũndũ marĩa meriragĩrio nĩ mwĩrĩ.

Tũngĩkorũo tũtũire muoyo nĩ ũndũ wa Roho, nĩtũthiage o tũtongoretio nĩ Roho mĩthiĩre-inĩ iitũ.

Nao andũ arĩa a Kristo Jesu nĩmarĩkĩtie kwamba mĩĩrĩ yao mũtĩ igũrũ hamwe na thuti ciayo o na merirĩria mayo.

Na rĩrĩ, maũndũ ma kĩĩmwĩrĩ marĩa mekagwo nĩmoĩo o wega, namo nĩ maya: ũmaraya, na merirĩria mathũku, na ũũra-thoni, na kũhoya mĩhianano, na kũrogana, na ũthũ, na kũũgitana, na ũiru, na marakara, na ngarari, na kwamũkana, na morutani mahĩtanu, ningĩ gũcumĩkĩra, na kũrĩwo, na maruga marĩa mainagĩrũo nyĩmbo itaagĩrĩire, o na maũndũ mangĩ ta macio: naho ha ũhoro wamo-rĩ, ngũmwĩra na ma, o ta ũrĩa ndamwĩrire na ma rĩa mbere, atĩ andũ arĩa mekaga maũndũ ta macio, matikagaĩrũo ũthamaki wa Ngai.

Amu inyuĩ, ariũ a Ithe witũ-rĩ, nĩmwetirũo mũtuĩke andũ matarĩ ngombo; no rĩrĩ, wĩmenyererei atĩ ũhoro ũcio wa kuohorũo ũkombo-inĩ ndũgatuĩke wa gũtũma mũrũmagĩrĩre merirĩria ma mwĩrĩ; nĩ kaba o mũndũ wanyu atungatagĩre ũrĩa ũngĩ nĩ ũndũ wa kwendana.

Nĩ ũndũ mwĩrĩ nĩwĩriragĩria maũndũ marĩa matangĩendwo nĩ Roho; nake Roho akenda maũndũ marĩa matangĩendwo nĩ mwĩrĩ; nĩ ũndũ maũndũ macio merĩ nĩmahĩtanĩtie; na nĩkĩo mũtahotaga gwĩka ũrĩa mwĩendeire inyuĩ ene.

Tondũ-rĩ, ũhoro wothe wa watho nĩũhingĩtio na kiugo kĩmwe, nakĩo nĩ gĩkĩ, atĩrĩ, Enda mũndũ ũrĩa ũngĩ o ta ũrĩa wĩendete wee mwene.

Nĩtũtigage kwĩĩkĩrĩra, tũkĩũgitanaga na tũkĩiguanagĩra ũiru.

Nĩ kuohora Kristo aatuohorire nĩguo tũikarage tũtarĩ ngombo: nĩ ũndũ wa ũguo, ta wĩhandei wega, na tigai gũgacoka kuohwo rĩngĩ, ta arĩ icoki rĩa ũkombo muohereirũo ngingo.