AEFESO 2 Popüler Kutsal Kitap Ayetleri

Paylaş

Nĩ gũkorũo nĩ ithuĩ wĩra wa moko make, tũũmbĩtwo thĩinĩ wa Kristo Jesu nĩguo twĩkage ciĩko njega, o iria Ngai aathondekire o mbere nĩguo atĩ tũtũũre tũciĩkaga.

Nĩ ũndũ-rĩ, nĩ Wega wa Ngai watũmire mũhonokio nĩ ũndũ wa gwĩtĩkia; naguo ũndũ ũcio ndwoimanire na inyuĩ inyuene: no kũheo mwaheirũo nĩ Ngai: na ndwakiumanire na mawĩra marĩa mwanaruta, nĩ getha mũndũ o wothe ndakanegooce.

Ĩndĩ Ngai-rĩ, tondũ wa ũrĩa tha ciake ciingĩhĩte, o na tondũ wa wendani ũrĩa mũnene atwendete naguo-rĩ, o hĩndĩ ĩrĩa twakorirũo tũrĩ akuũ nĩ ũndũ wa mehia maitũ, nĩaatũmire tũcoke kũgĩa na muoyo hamwe na Kristo (na rĩrĩ, nĩ Wega wa Ngai watũmire mũhonokio)

na agĩtũriũkanĩria hamwe nake, agĩtũikaria hamwe nake kũrĩa Igũrũ, twĩ thĩinĩ wa Kristo Jesu

Nĩ ũndũ wa ũguo, rĩu mũtikĩrĩ ageni na agendi, no nĩmũtuĩkĩte ene itũũra hamwe na andũ arĩa aamũre, na mũgatuĩka a nyũmba ya Ngai, mũgagĩakwo gĩtina-inĩ kĩrĩa gĩa atũmwo na anabii; nake Kristo Jesu we mwene agakorũo atuĩkĩte ihiga rĩrĩa inene rĩa koine.